Negociatat e Bllokuara! Rama: Flamuri i Gjermanisë doli në krah të molotovarëve…

Duke kundërshtuar deklaratat se negociatat janë bllokuar dhe se flamuri i Gjermanisë është në krah të molotovarëve, Kryeministri Edi Rama tha sot se e vërteta është kjo që po ju thotë shqiptarëve.

Por, ndryshe nga sa tha, të gjitha të vërteta që ai tha ishin ato që i kanë thënë vetëm ata që ai i quan “molotovarë”, ndërsa një mashtrim të madh që u mundua t’ju shes shqiptarëve për opozitën që bllokon procesin e integrimit, harroi se ishte vepër e Partisë Socialiste!

“Piketat e ndërmjetme janë për çështje dhe tema që shkojnë përtej procesit normal të anëtarësimit dhe i kemi shpjeguar që lidhen me faktin që shtetet negociojnë, Shqipëria negocion.

Ndryshe nga çfarë thuhet pa pushim dhe pa pikë përgjegjësie që negociata ska, se shqipëria bën ca i thonë, ndërkohë që kjo nuk është e vërtetë., Ne bëjmë atë që duhet, për të qenë në një linjë me bënë. Por ne negociojmë për fusha ku ne kemi nevoje për kohë.

Ne nuk jemi në atë tryezë, ne në atë tryezë na përfaqëson Komisioni Evropian. Komisioni përfaqëson qëllimin tonë, pra Komisioni është dakord me ne,” tha Edi Rama duke harruar se KE përfaqëson vetëm qëllimin e Bashkimit Evropian dhe interesat dhe ky është qëllimi që kërkon standarde, për plotësimin e të cilave sërish u mundua ta fajësoj opozitën.

“Pyetjet dhe shqetësimet e vendeve anëtare në këtë fazë nuk lidhen me piketat e ndërmjetme, por me piketat përmbyllëse. Vendet anëtare nuk mund ta ndryshojmë atë çfarë është bërë dhe atë çfarë komisioni ka vënë përpara. Por bazuar në atë që komisioni ka vënë përpara, vendet anëtare ndërhyjnë për të vendosur piketat.

Është brenda parashikimeve, nuk ka asgjë nga çfarë i është rrokanisur koka popullit shqiptar, u bllokua, doli ky e doli ai, gjë ë çoi në daljen e flamurit të Gjermanisë në krahët e molotovarëve, por e vërteta është kjo që po ju them,” tha Kryeministri Rama duke bërë një sqarim që nuk e ka dëgjuar njeri në botë, ndonëse ky pretendon se opozita është e tillë.

Kryeministri i Ergysit dhe Belës thotë se nuk ka bërë ndryshime thelbësore të Ligjit për Portet Turistike por vetëm teknike, dhe çuditërisht vetëm Rama e quan teknikalitet dallimin në mes të koncesionit për Resort dhe Portit!

“E para ne nuk kemi bërë ndryshime ligjore për portet turistike, ne kemi bërë një ndryshim të vetëm për tërhequr mundësinë e një pasoje absurde, ndryshimi nuk lidhet me portet turistike në tërësi, nuk lidhet me garat, hiç gjëkundi, fare.

Pra ne nëse duam të japim një koncesion e ndërtuar një partneritet është 100% e sigurtë se bëhet me garë.

Ndryshimi i bërë lidhet me rastet që dikush do të bëjë resort turistik, do të bëjë edhe marinë dhe me ligjin e pandryshuar për marinën që dikush do të bëjë pranë resortit të tij duhet garë që të vijë një tjetër dhe të nisë një sherr që mund të mos mbarojë kurrë, që se ka asnjë vend tjetër i Evropës dhe ku ne s’e kishim bërë diferencën.

Pra për rastet kur jepet koncesion dhe jepet partneritet dhe rastet ku vetë investitorët që kanë zotërimin e pronësisë mbi atë territor duan të bëjnë një marinë dhe absolutisht si gjithë planetin e bëjnë duke plotësuar detyrimet përkatëse dhe duke e ndërruar vetë.”

Dhe, çuditërisht në gjithë procesin e integrimit edhe sot nuk ka pushuar së akuzuari opozitën, madje sot çuditet se nuk ka parti në botë që kërkon bllokimin e vendit të tij kur ishte vetë Partia Socialiste që ai drejtonte që ishte pengesa më e madhe si për liberalizimin e vizave ashtu dhe anëtarësimin në NATO! Madje partia e vetme në glob që organizoni protesta AntiNato në ditën e anëtarësimit.

“Shikoni çudi këtu ju, përveç çudisë së atyre që duan Shqipërinë të bllokuar si në asnjë vend tjetër, ma thonë edhe miq të mi se nuk kemi parë ndonjë forcë të vijë nga vend tjetër për një vend që është në proces për të hapur negociatat dhe të kërkojë për të bllokuar vendin nga vjen, me gjithëfarë të zezash.

Ne nuk jemi vend që vijmë nga ndonjë konflikt etnik, fetar, as ideologjik dhe as luftë civile shyqur zotit si shumë vende të tjera në rajon, po s’i ka parë kush as serbët dhe malazezët me opozitën e tyre dhe të shkohet në qytetet e Evropës dhe që vendi i tyre të vihet në listën e zezë e të mos bëhet vend anëtar i BE.

S’i kam parë as Maqedoninë e Veriut deri dje Maqedoni pa Veri e as shqiptarët atje të shkojnë e të kërkojnë që të mos bëhet shteti i tyre anëtar, nuk i kam parë.

Këto vende kanë pasur patjetër situata të vështira siç kemi pasur edhe ne, po patjetër kanë pasur si ne.

Pse? Sepse këtu ka një specie unike që nuk e ka pasur asnjë vend tjetër i kontinentit siç e kemi ne,” tha Edi Rama i bindur se i ka fshirë memorien shqiptarëve për 18 vjet dhe sot ata kanë harruar se në ditët e negociata për anëtarësim vetëm ai me Partinë Socialiste ishte kundër anëtarësimit dhe sajonte legjenda mbi Gërdecin dhe Griseldën, ndërsa në ditët e vendimit për liberalizimin e vizave sajoi legjendën me miqtë e tyre francezë se deri në milionë shqiptarë mund të largohen me liberalizimin e fizave; Katastrofë demografike e cila rezultoi kur ai erdhi në pushtet dhe jo për shkak të liberalizimit të vizave!

Dhe, në fund, rezultoi e drejtë edhe vërejtja e atyre që ai i quan “molotovarë” dhe i thanë në Parlament se e kishte të paligjshëm Ligjin për Investitorë Strategjikë, që sot Kryeministri Rama e sqaron me faktin se është shtyrë për të mos i lënë vakum të riut me të vjetrit.

“Përsa i përket pyetjes për Ligjin e Investitorëve Strategjikë, ne faktikisht kemi në proces të gjithë transformimit që do i bëjmë ligjit në bashkëpunim me BE, patjetër ligji është shtyrë për të mos i lënë vakum të riut me të vjetrit.

Nuk ka qenë shpikje e jona, e kemi marrë nga vende të tjera, fal atij kemi marrë shumëçka që kishin vendet e tjera e që na thoshin shikoni Malin e Zi, shikoni tjetrin, kurse sot kemi bërë më shumë se ata, jemi në kohë, siç e keni parë ligjin do e shfuqizojmë duke e konsultuar me një ligj tjetër që po ashtu do konsultohet në hapat e mëtejshëm.”

Gjithçka tjetër që rrehi në havan Kryeministri Edi Rama ishte për trutharët e Asamblesë së PS sepse nuk kanë vend as në procesin e integrimit as zhvillimit të Shqipërisë, dhe janë vetëm ata që mund ta kuptojnë shefin e tyre edhe kur thoshte se AKSHI është më i miri edhe kur thotë sot se nuk është më i vetëm, pro do të funksionojë i ndarë me një shoqëri të re publike “Albanian Digital Solutions”.

Çfarë synon me këtë kompani më askush nuk e besoj, as krimineli në kërkim Ergys Agasi, gjithësesi Edi Ramës i dha leje të thotë:

“Kompani 100 për qind shtetërore që do të synojë të rekrutojë më të mirët e treg, t’i paguajë më shumë se çdo tjetër në treg, dhe të kthehet në një forcë që shtyn para një shtet që synon të bëjë kapërcime të mëdha në të gjitha fushat!”