Nën pushtetin e ujit, sot në Bashkinë Shkodër 1685 Ha të përmbytura, në Lezhë 800 Ha!
Ndonëse situata paraqitet e qetë mëngjesin e sotëm ku reshjet kanë pushuar, zonat më problematike që janë përmbytur raportohet të jenë Shkodra dhe Lezha, si me toka ashtu dhe banesa të përmbytura.
Sot Bashkia Shkodër në bilancin përfundimtar raporton për për 1.685 Ha të përmbytur dhe 26 familje të evakuuara. Niveli i Liqenit të Shkodrës raportohet në kuotën 7.67 m nga 8.70 m sa është maksimumi ndërsa Lumi Dri shënon kuotën 5.90 nga 7.50 m sa është kuota maksimale.
Ndërkohë në Lezhë raportohet se 800 Ha tokë në Zadrimë janë nën pushtetin e ujit.
Parashikimet e motit flasin për një mbrëmje me reshje shiu të intesifikuar dhe stuhi në zonën veriperëndimore dhe jugperëndimore.
Informacion mbi situatën e përmbytjeve në territorin e Bashkisë Shkodër:
Nga monitorimi në terren ditën e sotme datë 22.11.2022,ora 08.00, situata e përmbytjeve në terren vazhdon të jetë si më poshtë:
Hidrometri i Liqenit të Shkodrës në orën 08.00,shënon kuotën 7.67 m.(Kuota max 8.70 m).
Hidrometri i lumit Drin në orën 08.00,shënon kuotën 5.90m. (Kuota max 7.50 m).
Bashkia Shkodër
Siperfaqe totale e përmbytur 1685Ha
Nj.A. Ana e Malit
Sipërfaqja e tokës bujqësore e përmbytur vlerësohet në 900 Ha, kryesisht në fshatrat Obot, Muriqan,Oblikë
Rruga e Obotit – Niveli i ujit mbi rrugë arrin rreth 40 cm.
Ujësjellësi Oblika 1,si pasojë e përmbytjeve është jasht funksionit
Nj.A Dajç
1.Sipërfaqja e tokës bujqësore e përmbytur vlerësohet në 150 Ha, kryesisht në fshatrat Mushan, Shirq, Pentar.
- Rruga Darragjat-Shirq në vendin e quajtur Urrelat e Shirqit ka mbi 15cm ujë.
Nj.A.Velipojë
Sipërfaqja e tokës bujqësore e përmbytur vlerësohet në 135 Ha.kryesisht fshatrat Baks, Luarz. Ças.
Nj. A. Guri i Zi
Sipërfaqja e tokës bujqësore e përmbytur vlerësohet në 300 Ha, kryesisht në fshatrat Kuç dhe Rrenc.
Nj.A.Bërdicë
Sipërfaqja e tokës bujqësore e përmbytur vlerësohet në 200 Ha, konkretesht në fshtrat Trush,Berdicë e Siperme,Berdice e Mesme, Beltoje.
Familje të evakuara:
Janë 26 familje të evakuara, gjithsej 99 persona, kryesisht nga Njësitë Administrative :
Nj. Administrative Guri I Zi, 19 familje (77 persona),po evakuohen 30 krerë gjë e gjallë, të imta.
Nj. Administrative Bërdicë, 2 familje (8 përsona)
Lagja Nr.4, 3 familje (7 përsona)
Lagja nr. 1, 2 familje ( 7 përsona)
Të akomoduar në konvikt 3 familje ( 12 përsona), ndërsa pjësa tjetër tek të afërmit .
Shtëpi me prezencë uji në oborre dhe në brendësi të banesave gjithsej 5 banesa:
Lagja Nr.4, 5 banesa (Ajasem)
Bashkia Shkodër është në gatishmëri me të gjithe kapacitetet e veta njerëzore, logjistike dhe akomoduese për ti ardhur në ndihmë popullates të rrezikuar nga përmbytjet e shkaktuara nga reshjet e shiut dhe shkarkimet e hidrocentraleve.
