Nëna e Monika Kryemadhit del nga SPAK, çfarë tha para prokurorëve

Nëna e deputetes Monika Kryemadhi, ka dalë nga ambientet e Prokuroria e Posaçme kundër Korrupsionit dhe Krimit të Organizuar, SPAK. Mësohet se është pyetur për pallatin dhe pasurinë që disponon.

Zonja Fatime Kryemadhi, raporton BW, ka deklaruar se të gjitha transaksionet janë kryer me bankë.

“Të gjitha transaksionet janë kryer me bankë. Unë kam ndihmuar gjithmonë vajzën time. Jam krenare për vajzën, e di nga e kam. Kjo histori ka nisur që kur vajza ime ka nisur të merret me djegësat. Unë nuk kam kompani 5D apo 8D. Kjo histori është politike,” tha në dëshminë e saj para prokurorëve në SPAK, nëna e deputetes Monika Kryemadhi, Fatime Kryemadhi.