Ngjarje e rëndë në Korçë, shitësi i bananeve goditet me sëpatë, arrestohet autori

Një ngjarje e rëndë ka ndodhur mesditën e sotme në qytetin e Korçës. Një konflikt i çastit në afërsi të pazarit të qytetit ka përshkallëzuar në përleshje me mjete të forta, ku ka mbetur i vdekur një person.

Mësohet se viktima, shitësi i bananeve Dashnor Osmani, 50 vjeç, është qëlluar me sëpatë në kokë, duke ndërruar jetë në vend

Autori i ngjarjes, Zamir Topi, 42 vjeç, është arrestuar, ndërsa policia po vijon hetimet për zbardhjen e shkakut të konfliktit që pasoi këtë ngjarje të rëndë.

Njoftimi i policisë:

Më datë 28.01.2020, në lagjen nr. 9, në Korçë, pas një konflikti për motive të dobëta shtetasi Z. T., 42 vjeç, banues në fshatin Pocestë, dyshohet se ka goditur me mjet prerës shtetasin D. O., rreth 50 vjeç, banues në fshatin Pocestë, i cili për pasojë ka ndërruar jetë.

Shërbimet e Policisë kanë reaguar menjëherë ku kanë kapur autorin e dyshuar, të cilin e kanë shoqëruar në ambientet e Policisë për veprime të mëtejshme.

Grupi hetimor po punon për të sqaruar rrethanat e ngjarjes