Nuk ka kuorum, mbledhja konstituive e Këshillit Bashkiak të Beogradit u shty për 1 Mars

Mbledhja konstitutive e Këshillit Bashkiak të Beogradit u shty për 1 Mars.

Avokati Toma Fila si këshilltari më i vjetër i cili kryeson Këshillin e ri Bashkiak konstatoi se nuk ka kuorum dhe se mbledhja shtyhet për 1 Mars pasi më 3 Mars skadon dhe afati i këtij konstituimi.

Në prag të kësaj mbledhje konstituive opozita paralajmëroi se do të parandalon konstituimin e Këshillit Bashkiak, pas shpalosjes së parregullsive dhe fakteve për vjedhjen e zgjedhjeve nga Aleksandar Vuçiç.

Ndryshe, pasi pika e parë e rendit të ditës ishte verifikimi i mandatave të 110 këshilltarëve bashkiak, në mbledhje nuk ishin të pranishëm 56 prej tyre, shumicë kjo e nevojshme të cilën nuk e arriti asnjëra prej prej partive ose koalicioneve në zgjedhjet e 17 dhjetorit 2023.

Me shumicën prej 56 votave, Këshilli Bashkiak do të mund të kalonte në Pikën e dytë të Rendit të Ditës, pasi mjaftojnë këto vota për të zgjedhur Kryetarin e Këshillit Bashkiak. Zv/Kryetarin dhe zgjedhjen e Sekretarit të kryeqytetit serb dhe zëvendësin e tij.