Sarajevën e zgjon një tërmet i fuqishëm

Një tërmet i fuqishëm me magnitudë 4.2 të shkallës Rihter ka tronditur mëngjesin e sotëm qytetin e Sarajevës në Bosnje Hercegovinë.

Tërmeti i cili u regjistrua në orën 09:22, sipas Qendrës Mesdhetare Sizmologjike, EMSC, ishte me epiqendër vetëm 17 kilometra nga kryeqyteti Sarajevë dhe thellësi 6 kilometra ndërsa ka shkaktuar panik ndër qytetarët, ku aktualisht po qëndrojnë edhe shumë turistë.

Për momentin, raporton Televizioni publik i Bosnje Hercegovinës, BHRT, nuk raportohet për dëme në njerëz ose dëme materiale.

“Fjala është për të dhëna paraprake. Sipas lokacionit, fjala është për një pikë e cila kalon përmes Sarajevës dhe Gorazhdës. Nuk është e panjohur se në këtë rajon kemi tërmete,” tha për të përditshmen boshnjake “Dnevni Avaz” seizmologia e Entit Federal Sizmologjik, Merjema Genjac Zukiç.