Operacion Antidrogë në Elbasan, lëshohen 20 urdhër arreste, kontrolle edhe në disa banesa

Një operacion antidrogë ka filluar mëngjesin e sotëm nga Policia e Elbasanit në bashkëpunim me dy ekipe të Forcave të Ndërhyrjes së Shpejtë, FNSH, pas 20 urdhër kontrolleve që lëshoi Gjykata.

Aksioni po zhvillohet paralelisht në disa zona të qarkut, përfshirë Prrenjasin, Librazhdin dhe qytetin e Elbasanit, si dhe në bashki të tjera përreth.

Burime bëjnë me dije se kontrollet janë të shumta dhe të përqendruara në objekte të dyshuara për aktivitet të paligjshëm.

Mësohet se me vendim të Gjykatës janë lëshuar rreth 20 urdhërkontrolle për banesa, ndërsa njëkohësisht janë ekzekutuar edhe disa masa ndalimi ndaj personave të dyshuar për përfshirje në veprimtari kriminale në fushën e narkotikëve.

Burime bëjnë me se janë vendosur 26 masa ndalimi ndërkohë në pranga kanë përfunduar në 10 persona, tetë të tjerë janë arrestuar më herët. Ndërsa tetë persona vazhdojnë ende të jenë të shpallur në kërkim dhe po punohet për arrestimine tyre.