Pa eufori, Basha: Edi Rama u refuzua, Ne do të shpalosim alternativën!

Kryetari i Partisë Demokratike, Lulzim Basha në fjalën e tij para Kryesisë dhe Grupit Parlamentar të PD, tha se situata aktuale politike është komplekse pasi 85 përqind e shqiptarëve refuzuan në 30 qershor.

Edi Ramën e ka refuzuar edhe Partia Socialiste, tha Lulzim Basha duke vlerësuar se PD në këtë moment nuk duhet të jetë euforike.

“Nuk duhet të jemi euforikë. Duhet të bëjmë takime në çdo degë. Do të merremi me organizimin e partisë,” tha Kryetari i Partisë Demokratike duke saktësuar se PD-së tashmë i duhet dhënë një dimension i ri.

“Energjinë refuzuese duhet ta kthejmë në pozitive, duke shpalosur alternativën,” tha Kryetari i Partisë Demokratike, Lulzim Basha duke kërkuar nga strukturat angazhim maksimal në intensifikimin e takimeve me qytetarët në të gjithë vendin. 

Diskutimi nga vazhduar për planin e punës gjatë verës, punën organizative, strukturat dhe bordet këshillimore që duhet të jenë tërësisht aktive.

Vetë Lulzim Basha do dalë në çdo dege të Partisë Demokratike, deri fund të këtij muaji. Ndërkohë dhe një grup pune do jetë gjithashtu për çdo ditë në terren, për të finalizuar përgatitjen e strukturave, sipas udhëzimeve të fundit të dhëna nga Kryetari i PD, në mënyrë që të jenë të gatshme për vazhdimin e aksionit opozitar.

Ndryshe, kjo mbledhje e Kryetarit të Partisë Demokratike, Lulzim Basha, me Kryesinë dhe Grupin Parlamentar të PD, vjen një ditë pas takimit që Basha zhvilloi me Kryetarët demokrat të Bashkive, ku u diskutua vijimësia e aksionit opozitar.