Pafrike. al e paralajmëroi/ Loja me Teatrin, një grup artistësh i kërkojnë Metës të dekretojë ligjin…
Një grup artistësh i kërkojnë Presidentit Ilir Meta të dekretojë ligjin për Teatrin, i cili i hap rrugë shembjes së godinës aktuale, dhe ndërtimit të një Teatri të ri, nga kompania Fusha, e cila përfiton gjithashtu ngritjen e të paktën 6 kullave në territorin pranë.
Peticioni është firmosur nga Robert Ndrenika, Luftar Paja, Alfred Trebicka, Leka Bungo, Albert Minga, Arben Derhemi, por edhe djali i të madhit Kadri Roshi, Kliti Roshi, regjisori Spiro Duni, aktorët Artan Imami, Sotiraq Bratko, Zamira Kita e të tjerë.
Në peticion ata kërkojnë që të mos humbet më kohë, por të nisë puna për t’i dhënë Tiranës dhe Shqipërisë Teatrin Kombëtar të së ardhmes.
“Ne aktorët, regjisorët dhe përfaqësuesit e artit skenik shqiptar, dëshirojmë t’iu bëjmë me dije dhe të shprehim vullnetin tonë me anë të këtij peticioni të hapur, se jemi për ndërtimin e një Teatri të ri Kombëtar, bashkëkohor dhe modern, ku t’i shërbej të gjithë komunitetit artistik teatror dhe publikut artdashës. Ritheksojmë, se jemi për ndërtimin e një Teatri të ri Kombëtar, modern dhe bashkëkohor, në truallin e tij dhe pa cenuar asnjë centimetër të kësaj prone. Le të mos humbasim me kohë, por t’i japim Tiranës dhe Shqipërisë Teatrin Kombëtar të ardhmes”, shkruhet në peticion.
Mes firmëtarëve të ketij peticioni, është edhe Suela Konjari, ish drejtoresha e Teatrit Metropolitan në kohën e PD dhe kandidate për këshillin kombëtar të PD.
Pafrike.al para pak ditësh parashikoi se për çështjen e Teatrit do të kishte një përçarje të madhe mes artistëve, të cilët ndodhen sot në dy anë barrikadash, pro dhe kundër. Para pak ditësh po në drejtim të Ilir Metës u dërgua një peticion që kërkohej mosdekretimi i ligjit të miratuar në Kuvend vetëm me votat e socialistëve.
Kreu i Shtetit ka afat deri në fund të muajit për të dekretuar ose jo ligjin. Nuk dihet se në cilën anë do të qëndrojë Meta, i cili duket në një pozicion jo shumë komod, pasi edhe partia që ka drejtuar për vite me rradhë, LSI, kundërshton projektin Rama-Veliaj. Gjithsesi me shumë gjasa Presidenti mund të dorëzohet dhe të dekretojë ligjin, ndërsa në këtë rast do të jenë interesante argumentet që mund të japë pro tij.
LISTA
Robert Ndrenika
Luftar Paja
Alfred Trebicka
Spiro Duni
Leka Bungo
Albert Minga
Arben Derhemi
Sotiraq Bratko
Kliti Roshi
Zamira Kita
Artan Imami
Genti Kame
Genti Deçka
Arjola Basha
Gent Hazizi
Gerti Ferraj
Hervin Çuli
Suela Konjari
Laxarela Deti
Mateus Frroku
Paola Kodra
Blerta Belliu
Shkelqim Jaupi
Guri Koço
Klaudia Hila
Nelson Mulla
Erion Isai
Violeta Trebicka
Gazmend Paja
Roland Saro
Jorke Broka
Erblin Bajko
Olsi Bylyku
Edmond Lako
Ilir Muhametaj
Ledio Lako
Irgen Çela
Klesta Shero
Roerd Toçe
Ami Hansellia
Andon Koço
Jonida Beqo
Laid Ymeri
Danier Shkurti
Edvin Mustafa
Valdano Bajrami
Besart Cani
Armela Demaj
Engjell Hoxha
Ajliçe Petrela
Madi Selimi
Fatjon Sulstarova
Ermonela Alikaj
Serkida Rrapollari
