Ekonomia ukrainase nuk u shemb për shkak të sulmeve raketore ruse, por për shkak të ngjarjeve që i paraprinë pushtimit, tha Presidenti i Rusisë, Vladimir Putin, duke mos fol për shkallën e shkatërrimit të shkaktuar nga ushtria ruse që nga viti 2022, në
intervistën për dokumentarin “Pagëzimi ynë. Udhëheqësi”, kushtuar 80 vjetorit të kreut të Kishës Ortodokse Ruse, Patriarkut Kirill ndërsa foli për luftën në Ukrainë, marrëdhëniet me Perëndimin dhe rolin e Ortodoksisë në Rusi.
“Sa i përket ushtarëve ukrainas, nuk dua të them se ata duhet të dorëzohen sepse kjo tingëllon pak poshtëruese. Në fund të fundit, ata po luftojnë, ata vazhdojnë të luftojnë,” tha Putin duke sqaruar marrëdhëniet midis rusëve dhe ukrainasve.
“Do të doja t’u thoja atyre të kalojnë në anën tonë sepse është ana jonë e përbashkët dhe ana e drejtë e historisë,” vazhdoi presidenti rus, i cili përsëriti pretendimin se rusët dhe ukrainasit duhet të përpiqen për unitet.
Me këtë rast sqaroi se nuk po mbështeste domosdoshmërisht ribashkimin e Rusisë dhe Ukrainës në një shtet, por shpjegoi se po fliste për unitetin në një kuptim më të gjerë dhe bashkëpunimin midis dy popujve për të arritur qëllime të përbashkëta.
Putin: Perëndimi dëshiron të dobësojë Rusinë dhe Ukrainën
Presidenti rus i akuzuar për krime lufte nga Gjykata Ndërkombëtare Penale, akuzoi vendet perëndimore se mbështesin Ukrainën për interesat e tyre ndërsa pretendoi se qëllimi i tyre nuk është të ndihmojnë ukrainasit, por të dobësojnë Rusinë dhe të ndajnë popujt që ai i konsideron historikisht të lidhur.
Putin përmendi parimin e lashtë romak “përçajë dhe sundo”, duke pretenduar se një politikë e tillë është zbatuar kundër Rusisë për shekuj me radhë. Ai përmendi pushtimin e Napoleonit dhe Luftën e Parë Botërore dhe Luftën e Dytë Botërore si shembuj.
Sipas tij, vendet perëndimore po përpiqen ta dobësojnë Rusinë, ta bëjnë atë më të bindur dhe ta nënshtrojnë ndaj interesave të tyre. Ai ia atribuoi të njëjtat qëllime vendeve që aktualisht po i ofrojnë ndihmë ushtarake dhe financiare Ukrainës.
Putini tha se Ukraina humbi një pjesë të madhe të industrisë dhe popullsisë së saj pas rënies së Bashkimit Sovjetik ndërsa fajësoi udhëheqjen politike ukrainase, të cilën e quajti nacionaliste, për një zhvillim të tillë.
“Patriotët e duan vendin e tyre, ndërsa nacionalistët i urrejnë kombet e tjera,” tha Putin, duke pretenduar se Ukraina drejtohej nga nacionalistët në vend të patriotëve, ndërsa harroi se personi që po e intervistonte ishte nacionalist i egër serb, regjisori boshnjak Emir Kusturica.
Gjithsesi, ai sërish u bëri përsëri thirrje ukrainasve të mendojnë për një të ardhme të përbashkët me Rusinë.
Putin: Moscow is the Third Rome. There will be no fourth. Russian civilization can become a kind of ark on which all those who believe in Christ can find salvation. https://t.co/h2ILD7vZbv
— Clash Report (@clashreport) November 20, 2026
“Rusia mund të jetë një arkë që shpëton njerëzit”
Një pjesë e madhe e bisedës iu kushtua Ortodoksisë. I pyetur nëse qytetërimi rus mund të bëhej një lloj arke që do të mbronte të krishterët dhe vlerat tradicionale nga ndryshimet në shoqëritë perëndimore.
“Mundet. Absolutisht,” tha Putin ndërsa shtoi se, sipas tij, Rusia mund t’u ofrojë strehim njerëzve që duan të ruajnë vlerat tradicionale fetare dhe familjare, përfshirë emigrantët nga vendet evropiane.
Putin përmendi idenë e Moskës si Roma e Tretë, sipas së cilës kryeqyteti rus është pasardhësi i Romës dhe Kostandinopojës si qendra e Krishterimit. Ai theksoi se Rusia nuk dëshiron të mbrojë vetëm të krishterët ortodoksë.
“Moska është Roma e Tretë. Nuk do të ketë të Katërt”, tha Putin, ndërsa e ngazëlleu regjisorin boshnjak që e mohon prejardhrjen e tij dhe mburret që është serb.
Lidhur me të drejtat e pakicave në Perëndim, ai tha se disa grupe janë bërë më agresive në kërkimin e të drejtave të tyre dhe, sipas tij, politika shtetërore e Rusisë po përpiqet të ruajë vlerat tradicionale dhe familjen.
Zbuloi se kush e pagëzoi
Putin tme këtë rast tha se nëna e tij e pagëzoi fshehurazi, pa dijeninë e babait të tij, i cili ishte anëtar i Partisë Komuniste. Ai pretendon se ceremonia në Leningrad u krye nga prifti Mikhail, babai i Patriarkut të sotëm Kirill.
Sipas Putinit, ai e zbuloi këtë lidhje vetëm vite më vonë, gjatë një bisede me Kirill. Ai e përshkroi marrëdhënien e tyre si një miqësi të veçantë dhe e uroi patriarkun për ditëlindjen e tij të 80-të.
Ndryshe, kjo nuk është hera e parë që Putin u ka bërë thirrje ushtarëve ukrainas të kthehen kundër udhëheqjes së tyre, këtë e bëri edhe në fillim të pushtimit të Rusisë në shkurt 2022.
Për vite me radhë ai ka folur se rusët dhe ukrainasit janë një popull, duke përdorur këto interpretime historike për të justifikuar politikën ruse ndaj Ukrainës. Ukraina i hedh poshtë pretendime të tilla dhe këmbëngul në pavarësinë e saj.
Rusia nisi një pushtim në shkallë të plotë të Ukrainës më 24 shkurt 2022, pasi pushtoi dhe aneksoi Krimenë në vitin 2014. Lufta ka vazhduar për gati pesë vjet dhe forcat ruse vazhdojnë të bombardojnë qytetet dhe infrastrukturën civile të Ukrainës.