Paketa Antishpifje në Komisionin e Venecias, ja kur do të shqyrtohet…

Pas shumë debateve dhe kundërshtive për Paketën Antishpifje, të cilën deri më sot e mbështet vetëm Kryeministri Edi Rama, ajo sot ka kaluar për shqyrtim në Komisionin e Venecias.

“Komiteti Monitorues i Asamblesë Parlamentare kërkoi një mendim të Komisionit të Venecias në lidhje me Ligjin Shqiptar Nr. 97/2013 ‘për Shërbimin e Mediave Audiovizive’,” thuhet në faqen zyrtare të Komisionit të Venecias për Paketën Antishpifje dy ligjet e së cilës pritet të shqyrtohen në muajin mars.

Ndryshe, sot Komisioni i Veprimtarisë Prodhuese ka rrëzuar Dekretin e Presidentit Meta, i cili e ktheu në parlament Paketën Antishpifje, me arsyetimin se ligji shkel parimet themelore kushtetuese të një shteti demokratik.

Ndërkohë pas seancës së këtij Komisioni, Kryetari i Grupit Parlamentar të PS, e bëri të qartë se Dekreti i Presidentit do të rrëzohet në seancë plenare dhe do të vazhdojnë me përmirësimin e ligjit.