Paketa e Maleve, ministri Demo: Zonat prioriatare janë miratuar në 40 bashki

Pas përfundimit të mbledhjes së Këshillit të Ministrave, ministri i Pushtetit Vendor, Ervin Demo, theksoi se procesi i miratimit të zonave prioritare për bashkitë lidhur me Paketën e Maleve po vazhdon.

“Deri tani janë miratuar zona prioritare në 40 bashki. Së fundmi janë shtuar edhe 4 bashki të tjera. Procesi pritet të vijojë me miratime në këshillat bashkiakë”.

Demo nënvizoi se “Paketa e Maleve” ka rritur interesin e aplikantëve në të gjithë territorin.

“Kemi konstatuar një interes të shtuar të banorëve të zonave përkatëse sidomos për zhvillimin e ekonomisë rurale, por edhe një interes i gjithë shqiptarëve që kanë lidhje me zonat brenda vendit, por jetojnë jashtë Shqipërisë. Me miratimin e 4 bashkive të fundit do të vazhdojmë me ritme më shpejta për aplikimet në territor.”

I pyetur për reformën territorial ministri i pushtetit vendor tha se ka nisur turi i dëgjesave.

“Ajo që duhet të garantojmë është që bashkitë duhet me ato çfarë kanë, kompetenca të deleguara apo që burojnë nga ligji, të jenë më të forta dhe të ofrojnë shërbime më të mira në territor. Besoj

që do të dëgjojmë shumë kryetarë dhe aktorë të tjerë në territor që mund të kenë qëndrime të ndryshme për reformën apo elementët”, tha Demo.

Ministri i Turizmit Blendi Gonxhja i pyetur nga gazetarët foli për zhvillimet në furnizimin me ujë dhe trajtimin e mbetjeve te bashkitë para nisjes së sezonit turistik.

“Krijimi i ministrisë së re ka sjellë riorganizim institucional. Janë ndërmarrë hapa konkretë nga Ministria e Mjedisit. Në kuadër të përmirësimit të shërbimeve për pastrimin e zonave bregdtare.

Është shtuar një kontratë që përfshin edhe Lezhën dhe Pogradecin. Synohet nivel më i mirë pastrimi, veçanërisht gjatë sezonit turistik. Po vendosen orare të përcaktuara për menaxhimin e mbetjeve.

Për ujin e pijshëm ministri Gonxhe tha se Ujësjellësi administrohet në disa raste nga bashkitë Në raste të tjera lidhet me Agjencinë Kombëtare të Kanalizimeve

Janë zhvilluar gjithashtu takime me turoperatorë dhe hotele për të adresuar problematikat. Situata është përmirësuar me përdorimin e kolektorëve. Nga ana tjetër sipas VKM Subjektet janë të detyruara të kenë pajisje trajtimi para shkarkimit në rrjet. Në rast moszbatimi, aplikohen gjoba dhe penalitete sipas VKM”./Monitor/