Papa Françesku e akuzoi Rusinë për imperializëm

Papa Fraçesku akuzoi sot Rusinë për “pushtimi të armatosur, eskpansionizëm dhe imperializëm” në Ukrainë, duke e quajtur konfliktin “si mizor dhe luftë agresive të pakuptimtë”.

Duke folur me një delegacion ortodoks në Romë, Papa Françesku tha se ky është konflikt i të krishterëve kundër njëri-tjetrit.

Si në Rusi ashtu edhe Ukrainë shumica janë ortodoksë, por në Ukrainë ka një pakicë katolike me ndikim.

“Pajtimi midis të krishterëve të ndarë, si mjet për të kontribuar në paqen midis popujve në konflikt, gjatë këtyre ditëve është koha që të diskutohet, pasi bota jonë është trazuar nga një luftë mizore dhe e pakuptimtë në të cilën shumë të krishterë po luftojnë njëri kundër tjetrit,” tha Papa duke menduar në Rusinë, iu drejtua vizitorëve të tij ortodoks, se të gjithë duhet “ta pranojnë se pushtimet e armatosura, ekspansionizimi dhe imperializmi nuk kanë kurrëfarë lidhje me mbretërinë të cilën e shpalli Jezusi”.

Ndryshe, kjo ishte dita e dytë me radhë që Papa Françesku foli për konfliktin në Ukrainë. Dje ai dënoi sulmin me bombë mbi Qendrën Tregtare në qytetin Kremençuk, i fundit ky në radhën e sulmeve barbare në Ukranë.