Para studentëve ndërkombëtarë, Albin Kurti: Të arriturat e Kosovës…
Kryeministri Albin Kurti, në bashkëbisedim me studentët nga Universiteti i Vjenës dhe ai i Venecias prezantoi sot të arriturat e gjithëmbarshme të Kosovës, në veçanti progresin ekonomik dhe demokratik në vitin e fundit.
“Para rreth 90 studentëve ndërkombëtarë që vijojnë studimet master për të drejtat e njeriut dhe demokratizim, ai foli për arritjet e qeverisë dhe për reformat e filluara, veçanërisht në sistemin e drejtësisë, luftën kundër krimit dhe korrupsionit, si dhe për politikën e jashtme dhe synimet e Republikës së Kosovës për integrim në organizatat ndërkombëtare,” njofton Zyra për informim e Kryeministrit dhe pas prezantimit të shkurtër ai vazhdoi me bashkëbisedimin me studentët.
Studentët dhe profesorët e pranishëm, ishin të interesuar mbi pikat e Programit të Qeverisë, që lidhen me ekonominë dhe investimet, drejtësinë dhe procesin e vetingut, si dhe edukimin dhe sistemin dual të arsimit, çështje për të cilat diskutuan me Kryeministrin Albin Kurti.
