Parashikimi i motit për datë 17 Janar, ja çfarë pritet

Parashikimi i motit për datë 17 Janar:

Sot priten reshje shumë intensive në qarqet Shkodër dhe Kukës, intensive në qarqet Dibër dhe Lezhë, mesatare deri lokalisht intensive në qarqet e tjera të vendit.

Në qarqet Shkodër, Kukës, Dibër, Lezhë, Elbasan, Vlorë dhe Gjirokastër reshjet priten të shoqërohen edhe me shtrëngata.

Në fund të ditës, parashikon IGJEUM, reshjet intensive pritet të shtrihen në të gjithë territorin. Në qarqet Shkodër, Kukës, Dibër dhe Lezhë mund të ketë vërshime të shpejta të lumenjëve të vegjël malorë dhe rrëshqitje të dherave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjendjes së kanalizimeve.

Ndërkohë, pritet një rritje e prurjeve të lumenjve kryesore, veçanërisht në lumenjtë Drin-Buna dhe liqenin e Shkodrës.

Era pritet të fryjë e lehtë deri mesatare, ndërsa në bregdet dhe zonat malore e fortë.

Temperaturat minimale dhe maksimale:

Në bregdet: 11 / 16 °C

Në vendet e ulëta: 10 / 15 °C

Në vendet malore: 5 / 10 °C