Parashikimi i motit, për datë 17 Prill, ja çfarë pritet

Parashikimi i motit, për datë 17 Prill:

Sot në qarkun Shkodër priten reshje intensive deri lokalisht shumë intensive, reshje intensive në qarqet Kukës, Dibër, Lezhë, Durrës dhe Tiranë, reshje mesatare deri lokalisht intensive në qarqet Elbasan dhe Vlorë, ndërsa në pjesën tjetër të qarqeve priten reshje mesatare.

Reshjet do të shoqërohen me shtrëngata në të gjitha qarqet.

Në qarqet Shkodër, Kukës, Dibër dhe Lezhë, parashikon Instituti i Gjeoshkencave, mund të ketë vërshime të shpejta të lumenjve të vegjël malorë dhe rrëshqitje të dherave. Në zonat urbane, në këto qarqe mund të shfaqen probleme me përmbytje të lokalizuara, në varësi të gjëndjes së kanalizimeve.

Era pritet të fryjë e lehtë deri mesatare.

Temperaturat minimale dhe maksimale:

Në bregdet: 16 / 19 °C

Në vendet e ulëta: 12 / 18 °C

Në vendet malore: 9 / 14 °C