Parlamenti i Edi Ramës, 6 minuta – 9 pika të rendit të ditës, Sali Berisha pa imunitet!

Parlamenti i Edi Ramës ndryshe sa kishte parlajmëruar se do të lexonte dy raportet e Këshillit të Mandateve, votoi me shpejtësi 9 Pikat e Rendit të ditës dhe për të arritur deri tek qëllimi final, heqjen e imunitetit të deputetit Sali Berisha, e përmbyllën seancën plenare vetëm për 6 minuta.

Ndonëse shpejtësia e madhe e miratimit të 9 Pikave të Rendit të Ditës, nga shpurra e Edi Ramës me hyzmeqarët e Lulzim Bashës u mendua se do të kalojë pa u vërejtur, sot ky parlament gërvisht dhe fito, arriti të përmbyllë dhe ceremoninë e varrimit përfundimtar të së drejtës opozitare duke miratuar Ligjin “Për organizimin dhe funksionimin e Komisioneve Hetimore të Kuvendit”, dhe duke filluar nga dita e zezë e 21 Dhjetorit 2023, Shqipëria bëhet vendi i vetëm në botë ku për t’u hetuar veprimet e mazhorancës do të vendos vetë mazhoranca, pra, HAJDUTI!

Ndërkohë jashtë Kuvendit protesta e opozitës vazhdonte, masa a e qytetarëve u rritë dukshëm pas vendimit të turpshim të koalicionit Rama-Basha!

Kryetari i Partisë Demokratike, Sali Berisha, sapo dola nga seanca tha se ky vendim i paligjshëm jo vetëm që nuk mund të realizojë qëllimet, shkatërrimin e opozitës, por do mobilizojë opozitën në shkallën më të lartë.

“Sot, narkoparlamenti në një akt antikushtetues, antidemokratik, votoi në kundërshtim me ccdo procedurë kushtetuese, në kundërshtim me ccdo procedurë ligjore, për heqjen e imunitetit dhe arrestimin tim.

Në një mënyrë apo në një tjetër, parlamenti sot vazhdoi veprën që dështoi me datën 9 shtator, dy vite më parë.

Por në qoftë se dështoi me 9 shtator, ju garantoj se sot do jetë më i dështuar se kurrë, se ky vendim jo që nuk mund të realizojë qëllimet, shkatërrimin e opozitës, por ky vendim do mobilizojë opozitën në shkallën më të lartë, dhe nën moton: o sot o kurrë, do i japë përgjigjen më të merituar këtij regjimi.

Ajo që mund të them se nga dita e sotme është se parlamenti nga klandestiniteti, përfundoi në parlamentin e vrimës së miut.

Edi Rama u fut sot jo nga dyert zyrtare, nga dyert zyrtare të parlamentit, por nga tunelet që lidhin parlamentin me zyrën e Skënder Gjinushit.

Pra, u fut nga vrima e miut në parlament.

Beteja e nisur vazhdon fuqishëm si kurrë më parë dhe e garantoj se kjo opozitë do qëndrojë e pamposhtur në mbrojtjen e idealeve demokratike të saj,” tha Kryetari i Partisë Demokratike, Sali Berisha, dhe iu bashkangjit protestës opozitare.