Pas akuzave të Tahirit, ja reagimi që ka Fatmir Xhafaj…

Ish-ministri i Brendshëm, Sajmir Tahiri, artikuloi akuza të forta ndaj pasardhësit të tij në këtë detyrë, Fatmir Xhafaj.

“Ministri i Brendshëm numëron bandat në televizor, një tmerr që të largohesh e të marrësh valixhet.  Ka më shumë kriminelë në Itali, por askush nuk flet kështu.  Ka më shumë në Greqi po përsëri nuk flasin kështu në televizor. Ka më shumë drogë, vrasje, prostitucion, kriminalitet, në thuajse çdo vend të Evropës  sesa në Shqipëri po askush nuk ia nxit faqen vendit të vet në çdo mënyrë”, tha Tahiri.

Lidhur me këto deklarata, mediat kanë kërkuar një reagim nga ministri I Brendshëm, Fatmir Xhafaj. Por ky I fundit nuk ka preferuar të bëjë komente në lidhje me atë çka deklaroi Tahiri.

“Nuk kam asnjë koment sot.  Nuk i heq asnjë gjë atyre që kam thënë deri sot”, tha për gazetarët Fatmir Xhafaj.