Pas dy orëve në SPAK, deputeti i PS, Agron Çela: Isha për punët e mia! S’di gjë për dosjen CEZ-DIA

Pas rreth dy orësh që u mor në pyetje në Prokurorinë e Posaçme, deputeti i Partisë Socialiste, PS, Agron Çela, bëri të paditurin duke deklaruar se nuk kishte dijeni për dosjen CEZ-DIA

“Isha për punët e mia. Kastriot Ismailajn nuk e njoh, kush është ky. Nuk di gjë për dosjen CEZ-DIA. Me Ilir Metën kam marrëdhënie shumë të mira,” tha Agron Çela.

Mësohet se deputeti socialist është paraqitur edhe dje në ambientet e Prokurorisë së Posaçme, por nuk u mor në pyetje.

Ndryshe, në fund të vitit të kaluar deputeti i Partisë së Lirisë, Agron Çela, ka kaluar në Partinë Socialist, veprim të cilin kryetari i PL, Ilir Meta, e cilësoi të pamoralshëm por saktësoi se Çela kurrë nuk ka votuar kundër qeverisë dhe ka qenë gjithmonë tek Edi Rama.