Pas eleminimit të Rusisë, ja mesazhi i Vladimir Putin
Rusia u eliminua në çerekfinale të Kupës së Botës nga Kroacia, pas ekzekutimit të penalltive.
Organizatorët e turneut e mbyllën me nder aventurën e tyre në këtë Botëror, teksa kujtojmë që ishin ata që eliminuan Spanjën pretendente në fazën e 1/8-ave.
Për ndeshjen e humbur me penallti ndaj Kroacisë ka folur Presidenti i Rusisë, Vladimir Putin. Ai ka çmuar karakterin e fortë të futbollistëve të Kombëtares ruse.
“Ne kemi humbur një ndeshje të mrekullueshme. Ata janë përsëri të jashtëzakonshëm për ne, ata janë heronj. Lojtarët donin të vdisnin në fushë, ne jemi krenarë me ta”, tha presidenti i Rusisë, Vladimir Putin.
