Pas kthimit nga Haga, Kadri Veseli: Zoti e mbrojt Kosovën!

Pas intervistimit nga prokurorët e Gjykatës Speciale në Hagë, Kryetari i PDK-së, Kadri Veseli sot në Aeroportin e Prishtinës është pritur nga qindra qytetarë duke brohoritur për UÇK-në.

“Sa shumë paqe dhe qetësi për popullin tonë, zoti e mbrojt Kosovën, lavdi e përjetshme UÇK-së, gjithmonë krenar përjetë,” tha Kadri Veseli ndonëse nuk dihet se në çfarë cilësie është ftuar nga Gjykata Speciale, në cilësi të të dyshuarit apo të dëshmitarit.

Kadri Veseli i cili u ftua nga Gjykata Speciale lidhur me luftën e UÇK-së, nuk ka sqaruar se a e ka marrë ftesën në cilësinë e dëshmitarit apo personit të dyshuar. Intervistimi i tij në zyrat e Gjykatës Speciale në Hagë është zhvilluar dje dhe ka zgjatur tri orë.