Pas letrës së Kurtit, Mustafa: Nuk mund të them a do të ketë kaolicion!

Pas letrës së fundit të Kryetarit të Lëvizjes Vetëvendosje, Albin Kurti ku i bëhet ftesë për kaolicion dhe të heqin dorë nga largimi i kryeparlamentarit Konjufca, Kryetari i LDK-së, Isa Mustafa, tha se tani nuk mund të thotë nëse do të ketë marrëveshje të koalicionit me Vetëvendosje.

“S’mund ta them, s’mund ta prejë sot se a do të ketë a s’do të ketë. Jemi të përkushtuar për marrëveshje, të dy palët. Unë pres dhe shpresoj që këtë mund ta bëjmë dhe do ta bëjmë,” tha Isa Mustafa duke mos e fshehur se ishte LDK që ishte e interesuar për të pasur postin e Kryetarit të Parlamentit dhe atë e mori për vete Lëvizja Vetëvendosje.

“Unë mund t’iu siguoj që LDK-së i ka interesuar posti i Kryetarit të Parlamentit. Sepse LDK-ja është ndjekur nga parimi që edhe LDK-ja duhet ta ketë një pozitë përfaqësuese derisa të vjen posti i presidentit,” sqaroi Isa Mustafa në një intervistë për RTK duke shtuar:

“Nga e drejta që me njëzet e tetë deputetë të kihen të gjitha postet? As në monizëm nuk funksionon kështu. As ne e as Lëvizja Vetëvendosje nuk duhet të lejojmë që apetite të tilla ta ndalin marrëveshjen.”