Pas sulmit me thikë, Salman Rushdie shfaqet në publik

Për herë të parë pas sulmit me thikë në SHBA në gushtin e vitit të kaluar, kur iu rrezikua edhe jeta, shkrimtari Salman Rushdie u shfaq në publik në një ceremoni të PEN-it amerikan në New York.

Shkrimtari indian, Amerikan i natyralizuar i cili jeton në New York, mori çmimin e nderit nga kjo organizatë ku ishte kryetar. 

Duke iu drejtuar rreth 700 të pranishmëve, Rushdie tha se PEN-i amerikan, organizatë e cila lufton për lirinëe shprehjes, kurrë nuk ka qenë më e rëndësishme.

“Terrorizmi nuk guxon të na terrorizoj. Dhuna nuk duhet të na zbraps. Lufta vazhdon,” ishte mesazhi i i tij në gjuhën frenge, spanjolle dhe angleze.

Ndryshe, më 12 gusht të vitit 2022, Salman Rushdie ishte ftuar në një konferencë letrare në Chautauquau, qytezë kjo e vogë në veriperëndim të shtetit të New Yorkut. Në momentin kur mori fjalën, ai u sulmua me thikë nga një i ri amerikan me prejardhje libaneze duke e therë dhjetëra herë.

Agjenti i tij, Andrew Wylie, në tetorin e vitit të kaluar tha se Rushdie ka humbur njërin sy dhe nuk mund ta përdor njërën dorë. Në New York, Rushdie mbante syze me xham të zi në njërin sy.

Nga viti 1989, Salman Rushdie jeton në SHBA nën kërcënimin e shpallur nga shteti i Iranit, pas publikimit të librit të tij “The Satanic Verses”/Lexo shqip: Vargjet Satanike/.