“Pasaktësia” e Edi Ramës, pritet të paditet Kryeministri për shpifje nga Taulanti
Pas reagimit të opozitës se video e postuar nga kryeministri ishte ndërhyrje e policisë në shpërndarjen e opozitës pas një tubimi në Algjeri, dhe jo në Spanjë siç pretendonte Kryeministri Edi Rama duke u marrë me të pabindurit e masave kundër përhapjes së koronavirusit, ka reaguar Rama duke kërkuar ndjesë, e meqë nuk e bëri Saliu nuk e quan shpifje por pasaktësi, që ia kishte dërguar një shok nga Italia.
Edi Rama e pranoi se kjo ishte hera e parë që binte pre e “qytetarit digjital”, dhe meqë kjo është e vërtetë, pritet padia për shpifje ndaj Kryeministrit Edi Rama nga Skënderbeu i fjalës së lirë shqipe, Taulant Balla.
Postimi i Kryeministrit Rama:
“Videon e postuar diku më parë, ku shkruhet se ka ndodhur në Spanjë, ma dërgoi një mik shqiptar nga Italia, i cili padiskutim ashtu e dinte dhe i dëshpëruar me ca pamje sot paradite në tregjet e Tiranës, më shkruante “Shikoje ç’bën policia në Spanjë”!
E postova jo pa qëllim pas mesazhit tim të sotëm, ku ju thashë hapur se nuk do të ketë më asnjë tolerancë nga forcat e rendit dhe tani mora vesh që qenkan pamje nga Algjeria!
Ndjesë sinqerisht për pasaktësinë e paqëllimshme, që paska frymëzuar edhe një deklaratë gjithë akuza e budallallëqe të Partisë Demokratike! Rashë edhe unë njëherë viktimë e “qytetarit dixhital”
Por, duke qenë se as “qytetari” në fjalë, as unë dhe as shumica dërrmuese e juaja që ka komentuar pozitivisht në atë postim, nuk kemi pasur hallin e vendit të ngjarjes, po kemi hallin e madh të nevojës për reagimin e domosdoshëm me zero tolerancë kundër atyre që na rrezikojnë të gjithëve, me sjelljen e tyre të papërgjegjshme, postimi nuk do të lëvizë nga vendi dhe mesazhit të tij i qëndroj 100% natyrisht!”
Por Kryeministri Edi Rama me ose pa Spanjën, aq më pak Algjerinë, nuk heqë dorë nga përdorimi i dhunës. Ai korrigjojë gabimin, i bëri “edit” postimit por paralajmëroi se policia do të ketë të njejtën sjellje me të gjithë qytetarët që do shkojnë të bëjnë pazar të grumbulluar nga e hëna dhe deri në fund të mbarimit të “luftës”.
Postimi i Ramës i korrigjuar:
këtë video po e postoj për të gjithë ata që do shkojnë të bëjnë pazar nga e hëna e deri në fund të luftës!
o një nga një, në radhë si ushtarë dhe me durim e në distancë nga njëri – tjetri të mbarojnë të gjithë punë me radhë, pa vrarë njerëz majtas – djathtas, o pastaj me vrap e pa bërë dot as pazar…
zgjidhni e merrni, se forcat e rendit e kanë ndarë mendjen top dhe kanë përgjegjësinë historike të reagojnë pa asnjë tolerancë.
