Pastrimi i parave të mafias italiane, GJKKO: Kunati i Taçit dënohet 11 vjet burg, shoferi 10 vjet

Gjykata e Apelit të Posaçëm për Korrupsionit dhe Krimin e Organizuar, GJKKO, ka dënuar me 11 vite burg kunatin e bisnesmenit Rezart Taçi, Artur Ballën, dhe me 10 vite burg sheoferin e tij, Bledar Lilon.

Gjykata i shpalli fajtor për veprat penale të “Pastrimit të parave” dhe “Grup i strukturuar kriminal”.

Për shkak se ndaj tyre u aplikua gjykimi i shkurtuar ata përfituan ulje të dënimit me një të tretën.

Ata akuzohen se në bashkpunim me biznesmenin Rezart Taçi transferuan paratë e organizatës mafioze Cosa Nostra, në një bankë të nivelit të dytë në Shqipëri. 18.4 mln euro të mafies italiane ‘Cosa Nostra’ u bllokuan në një bankë në Shqipëri në nëntor 2021.

Skema e pastrimit të parave përmes transaksioneve përfshin edhe një bankë të nivelit të dytë në Tiranë, ku paratë që duheshin pastruar do të lëviznin në Shqipëri, Itali dhe Zvicër, ku Rezart Taçi dhe dy njerëzit e tij bashkëpunonin me 4 italianë për pastrimin e parave të Cosa Nostras.

Meqë biznesmeni Rezart Taçi është në kërkim, dosja ndaj tij është ndarë .