Për dinjitet dhe siguri/ Pedagogët, sot marshim kundër dhunës ndaj studentëve
Mjafton të besosh se fëmijët tanë meritojnë dinjitet, siguri dhe të drejtën për të shprehur, thekson Sindikata e Punonjësve të Universiteteve të Shqipërisë, SPUSH, në thirrjen për një marshim solidariteti sot në orën 10:00 para Universitetit Politeknik, duke ju bashkuar kështu reagimeve ndaj dhunës policore ndaj studentëve protestues.
“Sindikata e Punonjësve të Universiteteve të Shqipërisë (SPUSH) ka qenë në përkrahje dhe pjesë e protestës së studentëve të filluar prej 6 ditësh. Ajo po ndjek me kujdes dhe shqetësim të jashtëzakonshëm dhunën policore, e cila nuk njeh më as protokolle institucionale dhe as humanizëm njerëzor,” thekson SPUSH duke përfunduar me një ftesë:
“Në keto kushte ju ftojmë: Sindikata e Punonjësve të Universiteteve të Shqipërisë (SPUSH) ka qenë në përkrahje dhe pjesë e protestës së studentëve të filluar prej 6 ditësh.”
Kreu i Sindikatës së Pedagogëve, Aleksandër Kovaçi, e bëri të qartë se do të mblidhen çdo ditë në protestë derisa kryeministri Edi Rama të japë dorëheqjen.
“U grumbulluam para Korpusit. Nuk do të ndalemi deri në dorëheqjen e Ramës. Do të grumbullohemi çdo ditë në këtë orë – ora 10:00.
Pedagogët janë me studentët, ne mbështesim studentët. Thojini zonjës së qeverisë që të largohet nga këtu! Kërkesa jonë është dorëheqja e Ramës, hapja e rrugës për qeveri të re. Një Shqipëri e re!”
Ndryshe, dje 963 pedagogë, akademikë dhe përfaqësues të jetës publike firmosën një deklaratë me pesë pika, ku kërkojnë dorëheqjen e kryeministrit Rama, krijimin e një qeverie kujdestare dhe respektimin e të drejtave dhe lirive themelore.
