Përgjaket Rruga e Kombit/ Ngrica dhe mjegull, përplasen 20 makina

Mëngjesin e sotëm, si pasojë e ngricave dhe mjegullës është përgjakur rëndë Rruga e Kombit pas përplasjes së 20 makinave, ku për fat nuk kishte pasoja në njerëz.

Në afërsi të fshatit Blinisht, në aksident është përfshirë një kamion dhe 5 makina, ndërsa janë shkaktuar dëme materiale dhe janë lënduar lehtë dy shtetas.

“Në Rrugën e Kombit, në afërsi të fshatit Blinisht janë përplasur 6 automjete. Si pasojë e përplasjes janë shkaktuar dëme materiale dhe janë lënduar lehtë dy shtetas,” thekson policia e cila është në vendngjarje dhe vijon punën për të përcaktuar shkakun e përfshirjes se automjeteve ne aksident.

Ndërsa rreth orës 06:50 në Autostradën Ibrahim Rugova, Mazgit-Bresje mbi urë te ETC-ja, është shkaktuar një aksident trafiku zingjiror, ku janë të përfshira 14 automjete. Si pasojë e aksidentit raportohet edhe për persona të lënduar.

“Kjo rrugë është bllokuar përkohësisht, përderisa njësitet policore dhe ekipet emergjente kanë reaguar, duke dalë në vendin e ngjarjes për t’u marr me rastin dhe trajtimin e personave të lënduar.

Apelojmë për kujdes gjatë vozitjes në këtë kohë me ngrica dhe mjegull, për të shmangur rastet e tilla, tha zëdhënësi i Policisë së Kosovës, Daut Hoxha,  duke konfirmuar aksidentin,