Përgjigje s’ka për Ramën por për Berishën, Basha: Asgjë s’do të ndodhë më 5 janar. Të përgatitur për çdo situatë!

Është e do të jetë kështu siç them unë dhe jo siç thotë Sali Berisha! Kështu është i bindur Kryetari i shkarkuar i Partisë Demokratike, Lulzim Basha, duke folur në takimin e fundvitit me gazetarë thuajse është dita e fundit e kësaj bote dhe jo dita e fundit e një viti përmbyllës të karrierës së tij të dështuar dhe me turp historik.

Nuk u përgjigj në asnjë nga akuzat e Kryeministrit Edi Rama se tha që nuk e kishte dëgjuar sot, por konfirmoi atë që tha ky njeri që vazhdon e qeverisë me Shqipërinë me ndihmën ekskluzive të Lulzim Bashës, se ky e ka me Berishën dhe shkatërrimin e PD-së, të cilit i dha edhe përgjigje për 5 Janarin 2022, datë të cilën Komisioni i Rithemelimit i ka caktuar si afatin e fundit që të lirojë zyrën e Kryetarit.

“Asgjë s’do të ndodhë. PD e përgatitur për çdo situatë e nuk do të lejojmë trekëndëshin e Bermudës, që në një vit që premton të jetë vendimtar për ndarjen nga tranzicioni ta zhvendosë fushën e betejës nga shumica e shqiptarëve nga regjimi i Ramës dhe patericave të tij te përplasja mes demokratëve për interesat e një personi të vetëm,” tha Lulzim Basha duke vazhduar me retorikën e 17 Majit 2017 se ëndrra e kryeministrit Edi Rama ka marrë fund, vetëm se tani e spostuar më 9 shtator 2021, dhe për të damkosur PD-në, dhe e bë pluhur e hi, sipas këtij analfabeti funskional politik, më 18 dhjetor.

“Ëndërra e Edi Ramës për ta damkosur PD me non gratën amerikane mori fund më 9 shtator u bë pluhur dhe hi më 18 dhjetor. Demokratët zgjodhën të ardhmen dhe e zgjodhën me vetëdijen se kurrkush veç nesh nuk posedon forcën, vizionin dhe potencialet për të ecur përpara. Vendimi i tyre është i qartë. Është jo vetëm një vendim që i shërben shqiptarëve. Vendimi është për të ecur përpara dhe për të lënë pas të shkuarën. Nuk ka më kthim pas! Ky është lajm i keq për Ramën, për trekëndëshin e Bermudës dhe është një lajm i mirë për shqiptarët.”

E pranoi se nuk e ka dëgjuar sot Edi Ramën sepse është e qartë se vazhdon të jetë i mpenjuar me atë që thotë Sali Berisha, por njeriu që thotë “se do të jetë kështu siç them unë dhe jo siç thotë Sali Berisha” dhe vazhdon të jetë nervoz edhe kur shkon në një takim të blerë si ai Dibrësi, thotë se Rama i cili po gëzon edhe mandatin e tretë falë tij, është nervoz.

“Nuk mund të them se kam arritur ta dëgjoj atë që ka thënë Edi Rama sot, kështu që nuk kam koment për këtë në vetvete, por dua të them se ëndrra e Edi Ramës për të pasur përballë një PD të damkosur, mori goditjen e parë me 9 shtator dhe u bë pluhur e hi më 18 dhjetor kur demokratët zgjodhën të ardhmen. Ka arsye të jetë nervoz, demokratët kanë zgjedhur të bashkohen dhe me shqiptarët. Do t’i japin fund qeverisjes më të korruptuar në rajon. Zgjodhën t’i japin fund pandëshkueshmërisë dhe kastës 30-vjeçare.

Në rolin kryesor të trekëndëshit të Bermudës, Edi Rama është lodhur dhe do vazhdojë të lodhet, por e ka kot, sepse lojërat për të përçarë PD-në, ta delegjitimojë, apo ortaku i tij i fundit, tubi i oksigjenit, betejën tonë, nismat tona, të gjitha do të dështojnë. PD e bashkuar dhe pastruar nga hijet e së shkuarës është sot alternativa, është shpresa e gjithë shqiptarëve për ndryshim dhe është përgjegjësia ime dhe ekipit tim që këtë shpresë ta jetësojmë sa më parë.

Sa për Ramën dhe grupin e tij na bashkoi non grata amerikane, e mbani mend grupin na bashkoi kënga popullore, ai ma dha frymëzimin për këtë; Rama dhe grupi na bashkoi non grata amerikane që do zgjerohet shumë shpejt, janë e shkuara”, tha Basha.

I ndërgjegjshëm, se ishte vettingu ai që shkatërroi sistemin e drejtësisë dhe në mungesë të një imagjinate politike, Lulzim Basha vazhdon të kërkoj vettingun në politikanë duke krijuar një kauzë idiote si ajo te Unaza e Re dhe Teatri Kombëtar, dhe përfunduan me degjenerim nga Edi Rama pa u mbrojt nga trupi i Bashës dhe demokratëve që kishte në krah.

“Shqipëria nuk mund të bëjë përpara pa kaluar të gjithë politikanët më të lartë të këtij vendi në sitën e vettingut në politikë. Atë që kërkojnë për noterët, prokurorët dhe gjyqtarët ka ardhur koha të bëhet edhe për politikanët,” tha Basha i cili nuk ishte i sinqertë as për takimin e vetëm që zhvilloi, atë në Dibër, duke gënjyer edhe në përgjigjen e një pyetje të thjeshtë: Përse nuk e transmetoi takimin e një dite më parë në Dibër në kohë reale?

“Takimi është transmetuar i plotë, e dëshmitarë për këtë janë pjesëmarrësit në takim. Shqetësimi qëndron diku tjetër. Shqetësimi qëndron në çmontimin e gënjeshtrave hedhur ndaj meje dhe të gënjeshtrave të përditëshme që hidhet ndaj meje, bashkëpunëtorëve të mi dhe demokratëve që nuk ndajnë të njëjtin mendim me Berishën në kthimin e PD në një celulë anti-amerikane. Këtë problem e kam trajtuar në mënyrë shtjelluese.

Përballja është e do të jetë kështu siç them unë dhe jo siç thotë Sali Berisha. Me regjimin e Edi Ramës dhe jo demokratët me njëri-tjetrin siç i ka thërritur Berisha për turpin e tij në selinë e PD. Thirrja ime ndaj demokratëve është që të mos përjetojnë ankthin e deklaratave bombastike të tre brinjëve të trekëndëshit të Bermudës. Shikoni se si artikulojnë dhe e shikon se si kanë vepruar këto 30 vite. E nesërmja na ndan nga fundi i këtij viti. S’ka pse 13 njerëz ta mbajnë peng Shqipërinë. Shqipëria do i rikthehet shqiptarëve dhe do të shëprfillë çdo thirrje për tollovi të halleve të një personi të vetëm. Demokratët s’kanë betejë me njëri-tjetrin, por me Edi Ramën.

Qëllimet e demokratëve janë një, e kalojnë përmes një objektivi, rikthimin e legjitimitetit në Shqipëri, zgjedhjeve të lira e të ndershme. Në funksion të saj kemi propozuar tre ndryshime Kushtetuese dhe në fillim të vitit do të shpalos një vizion të ri të ndryshimeve të thella Kushtetuese,” tha Lulzim Basha duke harruar se përballë kishte gazetarët e mediave që nuk e transmetuan takimin e Dibrës, që vetëm në kokën e tij dhe Irfanit ngeli “live”.

E për njeriun i cili është gati për psikolog dhe jo lider opozite që thotë se “përballja është e do të jetë kështu siç them unë dhe jo siç thotë Sali Berisha”, pengesa është një

“Shpallja non grata ka interesa politike e pjesën më të madhe të kësaj hipoteke e mban Edi Rama. Nëse do të kishte pasur vullnet do e kishte bërë këtë kur ne e kërkuam në një tjetër rast non grata. Ne qëndrimin tonë e kemi pasur dhe e kemi të qartë. Pengesa është një. Ne do të vazhdojmë pa u lodhur për të arritur objektivat tona, sepse e dimë që kjo është arsyeja më e mirë për të gjetur.”

Në fund, Kryetari i shkarkuar i PD, Lulzim Basha, kishte një urim për vitin e ri 2022 si dhe për rivalin politik, Edi Rama të clit nuk i dha asnjë përgjigje në akuzat që ngriti ai sot.

“Urimi im është që 2022 është një vit që kthehemi drejt normalitetit. Një vit normal që i plotësohen ëndrrat shqiptarëve sipas aftësive, mundësirave që ato kanë. Natyrisht kjo nuk arrihet brenda një viti, por 2022 është si një vit i mbarë për t’u ndarë nga e keqja 30-vjeëare. Me një reflektim të thellë historik për gjithçka kemi bërë gabim.

Me një ripërtëritje vizioni, të shpirtit, por edhe korpusit politik e me një thirrje të veçantë ndaj të rejave dhe të rinjve shqiptarë. 2022 do ju rikthejë shpresën te Shqipëria. E prindërve të tyre dua t’i ta rigjejnë besimin për të luftuar në emër të fëmijëve të tyre,” tha Lulzim Basha që kishte një urim dhe për Kryeministrin Edi Rama:

“Sa për Edi Ramën në rrafshin personal, pleqëri të mbarë, në rrafshin politik, mos i ardhtë kurrë një njeri si ai Shqipërisë.”