Përparim Rama betohet si Kryetar i Komunës Prishtinë

Kryetari i zgjedhur i Prishtinës, Përparim Rama, sot u betua para asambleistëve të rinj në mbledhjen inauguruese të Kuvendit Komunal.

Në ceremoninë solemne, Kryetari Përparim Rama u betua se do t’i kryejë gjitha detyrat si udhëheqës i kryeqytetit me ndershmëri dhe mënyrë të paanshme.

Para pranim-dorëzimit të detyrës, u pa një përqafim i ngrohtë mes Ish-Kryetarit të Prishtinës, Shpend Ahmetit dhe atij të zgjedhur Përparim Ramës.

Në legjislaturën e re të Asamblesë komunale u panë të jenë gjithë këshilltarët komunal nga gjitha partitë politike, përveç ish kandidatit të Lëvzijes Vetëvendosje për kryetar, Arben Vitia.

Asambleistët e LVV-së, u betuan edhe para flamurit kombëtar, të cilin e kishin vendosur para tavolinave të tyre.