Përplasje me armë në spitalin e Fierit, Drejtori i Policisë jep detajet…

Dy persona jane shoqëruar dhe dy jane ne kerkim nga policia e Fierit, pas ngjarjes se rende qe ndodhi ne ambientet e Urgjences se Spitalit mbremjen e sotme ku mbeten te plagosur 4 persona.

Drejtori i Policise se Fierit, Andon Marko, nga Spitali beri me dije se tre persona kane mbetur te plagosur, teksa per nje te dyshuar qe eshte ne kerkim, ne keto momente ne shtepine e tij po ushtrohet kontroll nga policia.

Ai ka sqaruar edhe dinamiken e ngjarjes, sipas te cilit, nje sherr ka nisur ne Levan dhe ka perfunduar me perdorimin e armeve ne spital. Sipas drejtorit, nje person nga pjesetaret e sherrit i ka marre armen policit te patrulles se pergjithshme aksidentalisht dhe me te ka qelluar ne drejtim te te plagosurve.

Nderkohe Forcat e Nderhyrjes se Shpejte dhe Policia e Fierit kanë blinduar spitalin dhe qytetin, ku janë në kërkim të dy personave të dyshuar.

Deklarata e Drejtorit te Policise se Qarkut Fier, Andon Marko:

Kanë qenë dy persona që janë nisur në drejtimt të spitalit, dhe persona që kanë qene pjesë e sherrit të gjithë të identifikuar.

Në momentin që personat e dëmtuar kanë ardhur në spitalin e Fierit ka ndodhur një incident ku policit të patrullës së përgjithshme, i kanë marrë aksidentalisht armën nga brezi dhe njëri shtetas që ne tani e kemi identifikuar ka qëlluar ndaj dy personave me të cilin kishin pasur konfliktin e mëparshëm.

Kemi shoqëruar në polici dy persona, dhe po punojmë për kapjen e dy të tjerëve.