PISA bëri pis Diktatorin!

Ç’është ky popull që voton Edi Ramën me gjithë këtë qeveri të korruptuar?! Shumë koka të ndritura të Diktatorit nuk shqiteshin nga ekranet duke u munduar të na bindin se nuk ka popull të keq, ndonëse askush nuk thoshte se populli është i keq, por, popull analfabet; Dhe si i tillë i duhet sundimtarit!

Pse nuk lëvizi populli kur Diktatori krijoi në kohë krize Autoritete për kontrollin e çmimeve të produkteve të shportës dhe karburanteve, e çmimet vazhduan të rriten mbi ato që ishin në treg; Shqipëria prodhon energji elektrike me HEC dhe ka çmimin më të lartë edhe në rajon që nuk i shpëtoi krizës, por askush nuk ankohet; Dhe, pas 10 vjet qeverisje të dështuar, kur toka shqiptare u kanabizua dhe asnjë nga koncesionet që dha nuk rezultoi i pakorruptuar, kur mbi 700 mijë shqiptarë braktisën vendin, kur taksat janë rritur në stratosferë dhe mirëqenia është për tokë, produktin e vetëm që shet Diktatori në fushatë zgjedhore është: “Sali maloku”!

Dhe, erdhi rezultati i Programit të Vlerësimit Ndërkombëtar të Nxënësve “PISA 2022”, jo vetëm për të na konfirmuar se aftësitë e nxënësve 15 vjeçarë në Shqipëri për lëndën e matematikës, leximit dhe shkencës janë përkeqësuar, por për të na treguar se kë e qeveris Diktatori!

Ka prej atyre që u habitën për aftësitë e nxënësve 15 vjeçare në lexim kur Shqipëria u vlerësua me 405 pikë në vitin 2018 duke menduar se ishte Edi Rama ai që investon në Arsim, por, sot, kur Arsimi është në nivelin më të ulët të mundshëm me ose pa PISA, nuk ka më surpriza!

Rezultati i “PISA 2022” na thotë sot se Shqipëria ka 358 pikë nga 476 pikë që është mesatarja e pikëve të mundshme, me rënien prej 47 pikëve krahasuar me vitin 2018, dhe të gjithë në një zë janë të qartëse sepse nuk mund të lexoj një 15 vjeçar kur në Ditën e Alfabetit, ministria e tij e Arsimit raporton ndërkohë se mbahet në Bitola përvjetori i Kongresit të Manastirit, pra Kongresi i Aflabetit të Gjuhës Shqipe.

Nëse kësaj i shtojmë dhe turpet e përvitshme në Provimin e Maturës, rezultati i “PISA 2022” na rezulton si rezultat me hatër, njërit prej shteteve të OECD që qeveriset nga një njeri që korrupton edhe ndërkombëtarët!

Për ata që ngelën me gojë të hapur kur e panë Kryeministrin Edi Rama në kohë krize nga lufta në Ukrainë se si ishte futur të mburret me Autoritetin që kontrollon çmimet e produkteve të shportës ndërkohë që rezultoi se Zyrtarisht çmimi i miellit ishte 85 lekë ndërsa Qeveria Rama e kishte përcaktuar çmimin tavan 110 lekë, duke konstatuar se më të kujdesshëm për konsumatorin ishte dhe vazhdon të jetë tregu i lirë dhe tregtarët, sot nuk ka më habi dhe gojëhapur sepse çmimi i produkteve të shportës vazhdon të jetë më i larti në Ballkan!

Situata më alarmante ishte dhe vazhdon të jetë me karburantet, ku me ose pa Autoritet të Ramës çmimi i karburantit vazhdon të jetë më i larti, por konsumatori nuk reagon për qamet.

Rezultatet e “PISA 2022” në matematikë për Shqipërinë tregojnë se vlerësimi prej 368 pikë nga 472 pikët e mundshme me një rënie prej 69 pikësh krahasuar me katër vite më parë tregon se si Edi Rama, ai Autoritetet që ngrit në kohë krize ose jo, dhe si populli që e qeverisë nuk ja ka idenë as nga shkrimi e këndimi dhe as nga llogaria, pavarësisht se Kryeministri tallet me Nënkunatin e PD, Lulzim Basha, kur ai nga foltorja na thotë se 7×7=42!

Për çmimin e dritave është folur shumë, vazhdon të jetë çmimi më i lartë por gjëja që nuk po e kupton njeri është, se si është e mundur nga gjithë ky prodhim energjie elektrike në kohë krize, vetëm energjia e prodhuar nga sektori privat rezulton me fitim! Aty ku vë dorë shteti i Edi Ramës, vetëm shteti nuk fiton!

Dhe, kur një popull nuk ia ka idenë nga shkrimi e këndimi, llogaridhënia jo se jo sepse Diktatori u thotë se cili është inflacioni dhe çmimet, droga lulëzon gjithandej dhe shqiptarët ikin nga sytë këmbët, vjen dhe “PISA 2022” me rezultatin e aftësive të nxënësve shqiptarë në shkencë me 376 pikë nga 485 pikë e mundshmet dhe 41 pikë më pak se në vitin 2018.

Kujt i duhet shkenca nuk e ka idenë populli i Edi Ramës ndonëse rezultati është për faqe të zezë, e ata që ia lënë fajin kultivimit dhe trafikut të drogës, si dhe korrupsionit e krimit të organizuar, e kanë shumë gabim!

Ndërsa për ato vende që kanë popull dhe nuk mungon si krimi i organizuar dhe korrupsioni, ashtu dhe kultivimi dhe trafiku i drogës, është po rezultati i PISA që jep përgjigje!

Vërtetë është turp që sipas vlerësimit të PISA në lexim, matematikë dhe shkencë, Serbia të renditet e 38-ta, Mali i Zi i 50-të dhe Maqedonia e Veriut i 56-ti duke lënë Shqipërinë në vendin e 62-të, por kemi për shembull Kolumbinë që shqiptarët e njohin për të gjitha të zezat, në veçanti kultivimin dhe trafikun e kokainës, por ky vend ka popull dhe ai me aftësitë e fëmijëve të tij sipas PISA-s, renditet e 58-ta dhe është shumë më mirë si në lexim, matematikë dhe shkencë se Shqipëria.

Ose dhe Brazili, për të cilin shqiptarët kanë parë shumë kronika televizive të krimit dhe korrupsionit, ndërsa e kanë shijuar mishin e tyre të prisht të pulës! Por, bazuar nga rezultatet e PISA-s, siç duket ata lexojnë më mirë se shqiptarët dhe nuk hanë mish të skaduar, ndërsa aftësia më e mirë në llogaritje u thotë se më i shtrenjtë është kurimi se sa kujdesi për shëndetin!

Pse janë në vendin e 59-të, këtë nuk e din vetëm PISA por edhe Edvin Kristaq Rama!

Në fund, Mexico, Thailandi dhe Peru na bëjnë të kemi turp jo vetëm Ne që jemi shqiptar por dhe Diktatori që na sundon sepse me renditjen në vendin 51, përkatësisht 52 e 53, zhvlerësohet dhe gjithë panorama që populli i Edi Ramës ka për këto tre shtete, të cilat pavarësisht se si qeverisen, popullin e tyre nuk e ushqejnë me edukimin se nuk iu duhet leximi dhe matematika, aq më pak shkenca!

Ndërsa superioriteti prej të qenurit evropianë pavarësisht se çfarë përrallos Diktatori i shqiptarëve dhe patronazhistët e tij për Katarin, Malaysinë dhe Arabinë Saudite, në renditjen e PISA-s mund ti shohin vetëm me dylbi.

Pse Qatari renditet i 46-ti, Malaysia e 49-ta dhe Arabia Saudite e 55-ta, mjafton të shikoni se si lexon Diktatori dhe Administrata e tij, si e llogaritin mirëqenine e shqiptarëve dhe si nuk kanë lidhje me shkencën, për të kuptuar pse shteti i Edi Ramës është jofunksional dhe Meloni e trajton si kosh plehrash ku zënë vend vetëm afrikanët e saj…