“Plani i Qeverisë”, Lulzim Basha nesër takim me Presidentin e Republikës

Kryetari i Partisë Demokratike, Lulzim Basha, duke theksuar se kapja e institucioneve është plani i vetëm i kësaj qeverie, prandaj duhet ndalur një orë e më parë, konfirmoi nga Lezha se ka pranuar ftesën nga Presidenti i Republikës dhe se do të takohet nesër në orën 9:00.

“Kapja e institucioneve është plani i vetëm i kësaj qeverie, prandaj duhet ndalur një orë e më parë. Dhe thirrja e shqiptarëve që dëgjuam dje në stadium duhem t’ia vëmë mirë veshin është thirrja për ndryshim. Është thirrja për t’i dhënë fund krizës politike përmes zgjedhjeve të parakohshme parlamentare dhe lokale në një ditë,” tha Lulzim Basha, duke përfunduar:

“Ftesën e zotit Meta e kam pranuar dhe konfirmuar. Do të takohem nesër në orën 9:00.”

Ndërkohë sot pasdite në orën 17:00, lideri i opozitës, Lulzim Basha, do të zhvilloi një takim me Aleatët për të diskutuar rreth situatës së krijuar politike dhe atë të sigurisë në vend. Në takim me Kryetarin e PD, Lulzim Basha pritet të jenë kryetarja e LSI, Monika Kryemadhi, i PR Fatmir Mediu, ai i LZHK Dash Shehi, PBDNj Vangjel Dule, PDIU Shpëtim Idrizi dhe kreu i PDK Nard Ndoka.