Plas tek Ligjet/ Alibeaj-Manjës:Më 26 maj do të flitet njëherë e përgjithmonë…

Komisioni i Ligjeve është përfshirë nga debatet e ashpra lidhur akuyat e opozitës ndaj ministrit të Brendshëm, Fatmir Xhafaj dhe kryeministrit Edi Rama.

Kryetari i komisionit Ulsi Manja ka debatuar me Enkelejd Alibeajn duke i kërkuar që t’ia lërë fjalën Avokates së Popullit, të thirrur në komision, “sepse e kishte dëgjuar njëherë atë histori dje”.

Por Alibeaj duke iu përgjigjur Manjës tha se “nëse ju keni vendosur të mbyllni sytë e veshët si Rama, që ka filluar një pelegrinazh në Gjirokastër, në Tepelenë, një realitet që nuk ekziston…”.

“Na thoni pse Edi Rama dhe Fatmir Xhafaj e kanë vënë nën presion prokurorinë? Pse e keni zhytur këtë vend në këtë vorbull? Këtë duhet të dëgjojë populli, edhe Avokati i Popullit që mbron interesat e popullit.
Ju nuk keni për ta bërë, por në 26 maj do të flitet saktë dhe njëherë e përgjithmonë. Edhe Avokati i Popullit duhet të flasë e t’i japë zë popullit. Nuk e di sesi do ta keni stomak tani e të vazhdoni me miratimin e strukturës së komisionarit të mbrojtjes nga diskriminimi! Secili sot të marrë përgjegjësitë e veta!”, tha Alibeaj.

Manja ia ka ndërprerë fjalën Alibeajt dhe Balliut dhe i është drejtuar Avokatës së Popullit: “nuk kam ardhur të dëgjoj babalen këtu…tani do të dëgjojmë Avokaten, sepse ju keni kënduar dje dy orë, këngë me motive pogradecare….”