Podujevë, policia konfiskon 91 kg marijuanë nga Shqipëria, 1 i arrestuar
Policia e Kosovës ka konfiskuar 91 kilogramë substancë narkotike të llojit marijuanë në fshatin Konushevc të komunës së Podujevës.
Në një konferencë për medie, Drejtori i Antidrogës në Polici, Reshat Murseli tha se një person i dyshuar është arrestuar, ndërsa tre të tjerë janë në kërkim.
Në këtë operacion, Murseli tha se është lënduar një zyrtar policor ndërsa saktësoi se droga ka ardhur nga Shqipëria përmes Prizrenit dhe ka pasur destinacion shtetete të tjera.
“Nuk kanë përfillur urdhëratë policor për ndalje dhe kanë kanosur policët. Hetuesit kanë përdorur armët zyrtare,” tha Drejtori i Antidrogës në Polici, Reshat Murseli.
