Policia konfiskon karta grafike dhe shok-bomba në veri
Policia e Kosovës ka bërë të ditur se ka kryer një aksion në lagjen “Tre Rrokaqiejt” në Mitrovicë të Veriut, ku dhe janë konfiskuar një sasi e mjeteve të paligjshme duke përfshirë shok-bomba dhe makina antiminë S9.
Zv/Drejtori rajonal i Policisë së Kosovës në Mitrovicë të Veriut, Veton Elshani tha se aksioni është kryer në një banesë, ku edhe janë konfiskuar karta grafike, shok-bomba dhe llamba elektrike që shfrytëzohen për rritjen e bimëve të kanabisit dhe disa mjete tjera.
“Pas informacioneve të pranuara nga sektori për luftimin e narkotikëve Mitrovica Veri në bashkëpunim me Drejtorinë Rajonale Veri është kryer një kontroll në një banesë në rrugën e Kolashinit saktësisht në katin 11-të tek “Tre Rrokaqiejt,” tha Veton Elshanit duke shtuar se i dyshuari nuk ishte në vendin e ngjarjes kur u zhvillua aksioni.
“Në banesën që është shfrytëzuar nga S.M. (Kosovar Serb) janë gjetur dhe konfiskuar 60 kartela grafike, makina antiminer S9, 13 ventilatorë, poqa elektrikë që shfrytëzohen për rritjen e bimëve të kanabisit, llambë elektrike për laborator, 51 fishekë, 8 shok bomba të modifikuara. I dyshuari nuk ka qenë aty.”
Ndryshe, edhe në shkurtin e këtij viti Policia e Kosovës zbuloi tre laboratorë droge në Mitrovicë të Veriut, aty ku Presidenti i Serbisë, Aleksandar Vuçiç, si në gjithë veriun e Kosovës, dëshiron të sundoj me krimin.
