Policia te Filologjiku/ Denoncimi, Marku: Janë filmuar, do shkojnë në Gjykatë…

Menjëherë pas ndërhyrjes së forcave të policisë në ambientet e Fakultetit të Filologjisë në Tiranë ka reaguar pedagogu Mark Marku duke akuzuar Ministrin e Brendshëm, Sandër Lleshaj se po përdor policinë për të kërcënuar pedagogë e studentë.

“Ministri Lleshaj ka bërë një deklaratë dje që ju përgenjështrua sot. Ata janë komplet pa moral, nuk e di ku ka ikur morali i tyre. Sjell policë për të kërcënuar studentë dhe pedagogë. “

Marku bëri të ditur me këtë rast se futja e policëve në fakultet është filmuar:

“Bashkë me imazhin e qeverisë , këta po shkatërrojnë çdo strukturë shtetërore. I kemi filmuar të gjitha. Do ta çojmë rastin në gjykatë dhe te Avokati i Popullit,” tha Mark Marku duke përfunduar:

“Fshiheshin pas mureve që mos tu dilnin fytyrat, ky është imazhi i policisë së Sandër Lleshajt?”