Pompeo kërkon heqjen e tarifës ndaj mallrave serbe

Sekretari amerikan i Shtetit, Mike Pompeo, tha se pret që Kosova të heqë tarifën ndaj mallrave serbe dhe të shfrytëzojë momentumin e e krijuar pas nënshkrimit të dokumenteve për krijimin e lidhjeve ajrore, hekurudhore dhe tokësore midis Prishtinës dhe Beogradit, raporton RFE.

Zëdhënësja e Departamentit të Shtetit Morgan Ortagus, tha përmes një komunikate se Sekretari Pompeo gjatë takimit në Washington me presidentin e Kosovës, Hashim Thaçi, ripohoi partneritetin e fortë mes Shteteve të Bashkuara dhe Kosovës dhe mbështetjen për një Kosovë të pavarur dhe sovrane.

“Sekretari Pompeo po ashtu, ritheksoi mbështetjen e Shteteve të Bashkuara për Gjykatën Speciale, puna e të cilës është jetike për të sjellë drejtësi për viktimat dhe për të forcuar shtetin ligjor në Kosovë”, thuhet në komunikatën e zëdhënëses së Departamentit të Shtetit.

Ndryshe, tarifa ndaj mallrave sebe është vendosur në vitin 2018 nga Qeveria Haradinaj.

Beogradi e ka pezulluar pjesëmarrjen në dialogun për normalizimin e raporteve me Kosovën, të ndërmjetësuar nga Bashkimi Evropian, duke kërkuar shfuqizimin e tarifës.

Albin Kurti në fushatë zgjedhore është zotuar se këtë tarifë do ta zëvendësoj me reciprocitet dhe dje paralajmëroi si Kryeministër i Kosovës se është duke u hartuar një plan i detajuar lidhur me këtë masë.