Presidenti amerikan Trump: Bashkimi Evropian është i tmerrshëm sa i përket…

Presidenti amerikan Donald Trump iu përgjigj presidentit të Këshillit Evropian, Donald Tusk ndaj kritikave të tij se Presidenti i SHBA nuk është partner i besueshëm.

Donald Trump gjatë takimit me Sekretarin e Përgjithshëm të NATO, Jens Stoltenberg në Shtëpinë e Bardhë, tha se Bashkimi Evropian është i tmerrshëm sa i përket tregtisë me SHBA, dhe se gjatë vitit të kaluar defiçiti tregtar ishte 151 miliardë dollar, bënë të ditur Agjencia e lajmeve AP.

“Mund të më thërrasin me çfarëdo lloj emrash, por sikur të isha në vendin e tij edhe veten time do ta quaja me emra të ndryshëm, sepse kjo nuk do të ndodhë më,” tha Trump duke shtuar se i njeh mirë si Donald Tuskun ashtu edhe presidentin e KE, Jean Claude Juncker.

Presidenti amerikan ndër të tjera i tha Stoltenbergut se shtetet anëtare të NATO-s duhet ta rrisin buxhetin e tyre për mbrojtje.

Stoltenberg me këtë rast tha se puna e Trumpit vërtetë ka ndikim në buxhetin për mbrojten në këtë aleancë ushtarake, e Trump më pas i këroi disa  favore për këtë arsye.

Presidenti Trump kërkoi që shtetet anëtare të NATO-s të japin kontributin e tyre të plotë në organizatë, e Gjermaninë e veçoi si vendin i cili nuk bënë aq sa duhet.

Me këtë rast ai bëri  të ditur se do të merret me shtetet që nuk i plotësojnë obligimet e tyre ndaj Aleancës NATO.

Ndryshe, liderët e shteteve anëtare të NATO-s do të takohen në muajin korrik në Bruksel.