Presidenti i PE sot në Tiranë, takim me Metën, Ramën dhe Bashën…

Presidenti i Parlamentit Europian, David Sassoli, sot vjen në Shqipëri për një vizitë dyditore.

Sipas axhendës, Sassoli pritet të zhvillojë sot takime me Presidentin Meta dhe Kryeministrin Rama ndërsa në orën 15:15 do të mbajë një fjalim paar deputetëve shqiptarë në Parlament.

Në ditën e dytë të vizitës, në orën 10:45 është parashikuar takimi i Presidentit të Parlamentit Europian, David Sassoli, me liderin e opozitës Lulzim Basha.

Axhenda:

Më 3 shkurt

Në orën 11:00 takohet me ambasadorin e BE në Tiranë, Luigi Soreca

Në orën 11:30, takohet me Kryeministrin e vendit, Edi Rama, konferencë në orën 12:15

Në orën 14:45 takohet me Kryetarin e Kuvendit, Gramoz Ruçi dhe kryetarët e Grupeve Parlamentare

Në orën 15:15 Sassoli do të mbajë një fjalë në seancën plenare

Në orën 16:00 takim me Presidentin Ilir Meta.

Më 4 shkurt

Në orën 10:45 takim me Lulzim Bashën dhe Monika Kryemadhin në selinë e PD