Presidenti i Sllovenisë sot në Kosovë

Presidenti i Sllovenisë, Borut Pahor sot viziton Kosovën në kuadër të turit nëpër vendet e Ballkanit Perëndimor me qëllim të përgatitjes për Samitin e 11-të të Procesit Brdo-Brioni.

Vizita e Presidentit të Sllovenisë fillon në orën 15:00 kur do të pritet nga Presidentja e Kosovës, Vjosa Osmani, me gardën e nderit të FSK-së dhe më pas zhvillohet takimi kokë më kokë në zyrën e presidentes.

Më pas, nga ora 15.35 deri në orën 16.00 do të zhvillohen bisedime plenare mes dy delegacioneve, derisa në orën 16:05 të dy presidentët do të paraqiten para mediave.

Pas takimit me Presidenten Osmani, Presidenti i Sllovenisë do të zhvilloj një takim në orën 16:35 me kryeministrin Albin Kurti.

Ndryshe, Samiti i 11-të i Procesit Brdo-Brioni zhvillohet më 12 shtator në Brdo pranë Kranjës.