Presidentit të Rusisë, Erdogan: I gatshëm për të pritur Putinin dhe Zelenskyn në Stamboll!

Duke vënë në dukje se arritja e konsensusit për disa çështje mund të kërkojë bisedime në nivel liderësh, Presidenti i Turqisë, Recep Tayyip Erdogan, gjatë një bisede telefonike me homologun rus Vladimir Putin, përsëriti ofertën e tij për të pritur presidentin rus Putin dhe presidentin ukrainas Volodymyr Zelensky në Stamboll ose Ankara, raporton Anadolu Agency.

Sipas deklaratës së Drejtorisë së Komunikimeve të Presidencës, në bisedën telefonike u diskutuan zhvillimet e fundit në lidhje me luftën Rusi-Ukrainë si dhe situata humanitare në terren.

Presidenti Erdogan ka deklaruar se Turqia ruan qasjen e sinqertë që ka shfaqur që në fillim për të siguruar paqen midis Rusisë dhe Ukrainës, dhe nëse shpallet një armëpushim i përhershëm, do të hapet rruga për një zgjidhje afatgjatë, ndërsa ka shprehur dëshirën e tij të sinqertë për rezultate pozitive nga bisedimet Rusi-Ukrainë.

Duke theksuar se nga lufta nuk do të përfitojë asnjëra palë dhe se duhet t’i jepet një mundësi diplomacisë, Anadolu Agency raporton, se Erdogan tërhoqi vëmendjen edhe për nevojën për të vëzhguar situatën humanitare në terren dhe për funksionimin efektiv dhe pa probleme të korridoreve humanitare në të dy drejtimet.