Presidentit të Serbisë, Von Cramon: Anëtarët e KiE vendosin vetë se kush do anëtarësohet!
Anëtarët e Këshillit të Evropës do të vendosin vetë se kë do të pranojnë, tha Raportuesja për Kosovën në Parlamentin Evropian, Viola von Cramon, e habitur me deklaratat e Presidentit të Serbisë, Aleksandar Vuçiç.
“Natyrisht që Serbia nuk do të largohet. Biseda nuk duhet t’i bëjë përshtypje askujt. Anëtarët e Këshillit të Evropës do të vendosin vetë se kë do të pranojnë,” tha Raportuesja për Kosovën në Parlamentin Evropian, Viola von Cramon, në reagimin e saj përmes rrjetit social X duke përfunduar:
“Nuk e di se çfarë i duhet të flet kundër anëtarësimit të Kosovës.”
Ndryshe, Presidenti i Serbisë, Aleksandar Vuçiç deklaroi dje se dalja e Serbisë nga Këshilli i Evropës, është një nga mundësitë në rast se Kosova pranohet në atë organizatë ndërkombëtare.
