Presidentja e KE sot në Kosovë dhe Mal të Zi

Presidentja e Komisionit Evropian, Ursula von der Leyen, sot do të qëndrojë në Kosovë, në kuadër të turit të saj të gjashtë në Ballkanin Perëndimor.

Gjatë qëndrimit në Prishtinë, Von der Leyen pritet të zhvillojë takime me ushtruesen e detyrës së presidentes së Kosovës, Albulena Haxhiu, dhe kryeministrin Albin Kurti.

Takimi ndërmjet Von der Leyen dhe Haxhiut pritet të nisë në orën 12:30, në Presidencën e Kosovës, ndërsa Kryeministri Albin Kurti, në orën 13:00 e pret në takim Presidenten e Komisionit Evropian, Ursula von der Leyen. Pas takimit do të mbahet konferencë për media.

Në fokus të vizitës pritet të jenë hapat e mëtejshëm të Kosovës në rrugën drejt Bashkimit Evropian, si dhe procesi i integrimit gradual, i mbështetur edhe përmes Planit të Rritjes për Ballkanin Perëndimor.

Vizita e presidentes së Komisionit Evropian në Kosovë zhvillohet në kuadër të një turit në vendet e Ballkanit Perëndimor. Pas Prishtinës, Von der Leyen do të udhëtojë drejt Podgoricës, ndërsa turi i saj do të përmbyllet më 2 tetor në Shkup.

Ndryshe, dje, Presidentja e KE, Ursula von der Leyen qëndroi në Shqipëri ku zhvilloi takime me Kryeministrin Edi Rama dhe Presidentin e tij, Bajram Begaj.