Presidentja e Kosovës në Vjenë, diskutohet partneriteti strategjik me Austrinë!

Partneriteti strategjik me Austrinë ishte tema e diskutimit në takimin që Presidentja e Kosovës, Vjosa Osmani, sot zhvilloi me Presidentin austriak Alexander Van der Bellen në Vjenë.

“Pas vizitës zyrtare të vitit të kaluar, sot u prita sërish në një takim pune nga presidenti i Austrisë, Alexander Van der Bellen, në pallatin Hofburg në Vjenë, për të vazhduar diskutimet për partneritetin strategjik në mes të dy shteteve tona,” tha Presidentja Vjosa Osmani pas takimit, duke shtuar se u potencua vendosmëria e përbashkët për ta thelluar bashkëpunimin dhe koordinimin.

“Duke  kontribuar bashkërisht për paqe dhe stabilitet të qëndrueshëm në këtë kohë kritike për Evropën.”

Edhe me këtë rast presidentit Van der Bellen iu bë e qartë se Kosova është mirënjohëse për përkrahjen e palëkundur të Austrisë.

“I shpreha vendosmërinë tonë të punojmë drejt hapjes së kapitujve të rinj të bashkëpunimit në mes të Kosovës dhe Austrisë,” tha Presidentja e Kosovës, Vjosa Osmani duke përfunduar:

“Jemi mirënjohës për përkrahjen e palëkundur të Austrisë për rrugën euroatlantike të vendit tonë.”