Presidneti Trump: Irani ka kërkuar një takim. Do të mbahet nesër!

Shtetet e Bashkuara dhe Irani duhet të zhvillojnë një raund të ri negociatash nesër në Doha, njoftoi Presidenti i SHBA-së Donald Trump, pasi të dyja palët në ditët e fundit zbutën konfliktet që kërcënonin të ndalonin plotësisht përpjekjet për paqe.

“IRANI KA KËRKUAR NJË TAKIM. AI DO TË MBAHET NESËR NË DOHA!”, u shpreh Presidenti Trump përmes rrjetit social Truth.

Ende nuk ka mbërritur asnjë konfirmim zyrtar nga Teherani. Për më tepër, vetëm disa orë para njoftimit të Presidentit Trump, një zyrtar i lartë iranian pohoi se nuk ishin planifikuar bisedime teknike.

Megjithatë, një burim i njohur me negociatat konfirmoi për NBC News se ekipet teknike që punojnë për të zbatuar marrëveshjen fillestare midis dy palëve janë planifikuar të takohen në Doha në ditët në vijim. Ai shtoi se kanalet e komunikimit të krijuara për të parandaluar përshkallëzimin e mëtejshëm janë ende funksionale dhe se bisedimet teknike do të vazhdojnë.

Ndryshe, Presidenti amerikan, Donald Trump, dhe homologu i tij iranian, Masud Pezeshkian, në fillim të qershorit nënshkruan një memorandum të përkohshëm mirëkuptimi me 14 pika, i cili u jep palëve 60 ditë kohë për të negociuar një marrëveshje përfundimtare që synon t’i japë fund luftës që filloi më 28 shkurt.

Katari, së bashku me Pakistanin, ka shërbyer si ndërmjetës mes Washingtonit dhe Teheranit në rundin aktual të negociatave.