Projektligji për surrogacinë, Berisha: Nismë monstruoze! Edi Rama po zbaton doktrinat e Sorosit
“Nismë monstruoze, çnjerëzore, antishqiptare të një regjimi që i ka vënë vetes mision historik shkatërrimin e kombit shqiptar,” tha në fillim të fjalës së tij Kryetari i Partisë Demokratike, Sali Berisha, në konferencën “Surrogacia, Nënat nuk janë fasoneri” duke vlerësuar shkatërrimin e kombit shqiptar nga regjimi i Edi Ramës më shumë se rreth 40 pushtime që ky komb ka njohur në shekuj dhe mijëvjeçarë.
“Pas instalimit të një kuadri politik shpopullues të këtij vendi, kuadër që ju imponoi rreth 35 përqind të shqiptarëve të braktisin vendin e tyre në një hark kohor 8-vjeçar.
Kuadër që zëvendësoi sigurinë dhe ligjin me antishtetin dhe narkoshtetin, tani në përputhje të plotë me doktrinën e Çubrilloviçit, i cili në epiqendër të betejës kishte nënën shqiptare, ky famëzi që në histori ka ekuivalent vetëm Edi Ramën, kishte përcaktuar si objektiv kryesor nënën shqiptare për të shkatërruar kombin shqiptar.
Edi Rama në angazhimin e tij, ky antishqiptar në çdo aspekt, në angazhimin e tij për rrënimin e këtij kombi zbret tani në themelimin e kombit.
Në themelin e shoqërisë, në shenjtërinë e kombit dhe të shoqërisë, familja. Ai zbaton doktrinën e një monstre tjetër të njerëzimit pas Karl Marksit, George Sorosit.
Midis doktrinës komuniste për familjen në finalen e ndërtimit të shoqërisë dhe doktrinës së Xhorxh Sorosit, ndryshojnë vetëm termat, por rezultatet janë të njëjta,” tha Sali Berisha duke konstatuar se Edi Rama ka zgjedhur konceptin e fermës apo fasonerisë për nënë shqiptare, krim ky kundër kombit shqiptar!
“Të dashur të pranishëm, qytetarë dhe qytetare që ndiqni këtë takim të censuruar kushtuar një problemi themelor të kombit dhe të censuruar në mënyrën më të turpshme, më skandaloze nga shumica dërrmuese të medieve të kontrolluara nga qeveria.
Paçka se të gjithë pronarët e këtyre medieve kanë familje.
Punonjësit e tyre kanë familje dhe kjo konferencë ka si objektiv kryesor të paraqesë para shqiptarëve rrezikun madhor të ligjit Rama për surrogacinë.
Për transformimin e nënës shqiptare, e cila duhet t’u them këtu se pa ndershmëri, pa moral, pa integritetin e saj ne si komb do ishim shuar jo një, por tre herë, ndoshta shekuj më parë.
Dhe tani Edi Rama me ligjin e tij zgjedh dekonfigurimin e plotë.
Shndërrimin pasi futi konceptet e superspekulantit George Soros për Prindin 1 dhe Prindin 2, tani zgjedh konceptin e fermës apo fasonerisë për nënë shqiptare. Zgjedh konceptin e dekonfigurimit të plotë të familjes. Kjo është një përpjekje jashtë çdo lloji imagjinate,” tha Kryetari i Partisë Demokratike, Sali Beisha duke përshëndet me këtë rast Parlamentin Evropian:
“Në një akt të përgjegjshëm, me një shumicë të jashtëzakonshme votash, shpalli surrogacinë që do të instalojë në Shqipëri Edi Rama me ligjin e tij, një krim evropian. Për Shqipërinë, ky është krim kundër njerëzimit, kundër kombit shqiptar.”
Ndryshe, Koalicioni Shqiptar Pro Familjes dhe Jetës dhe Depart,maneti i Familjes në Partinë Demokratike sot organizuan një tryezë debati për Projektligjin “Për shëndetin seksual dhe riprodhues” që lidhet me jetën, familjen dhe shoqërinë.
