Protesta e PD përfundoi, Bordi sërish rrit çmimin e naftës

Në prag të protestës së Partisë Demokratike sikur u krijua ideja se tendenca e uljes së çmimit të karburanteve nga Bordi i Transparencës ka lidhje me bursën ndërkombëtare por sot kur protesta e PD përfundoi dhe çmimi i naftës në bursë pësoi ulje, Bordi rriti çmimet e naftës dhe benzinës.

Kështu, ndonëse nuk kaluan as 20 orë nga ulja e fundit e çmimit të karburanteve, çmimi i naftës u rrit për 5 lekë dhe sipas vendimit të Bordit do të tragtohet me 240 lekë për litër ndërsa çmimi i benzinës u rrit për 4 lekë dhe do të tregohet me 233 lekë për litër.

Ndërkohë çmimi i gazit, ka vendosur Bordi, nuk ndryshon.

Çmimet e caktuara nga Bordi i Transparencës do të hynë në fuqi sot datë 8 Korrik ora 18.00 p.m dhe do të jenë të vlefshme deri në mbledhjen e ardhshme të Bordit.

Njoftim:

Bordi i Transparencës në datë 8 Korrik 2022, në mbledhjen e radhës vendosi:

Çmimi i shitjes me pakicë i nënproduktit gazoil i standardit SSH EN 590 të  jetë jo më shumë se 240 lekë/litri, ndërsa i shitjes me shumicë jo më shumë se 228 lekë/litër.

Çmimi i shitjes me pakicë i nënproduktit benzinë e standardit SSH EN  të  jetë jo më shumë se 233 lekë/litri,ndërsa i shitjes me shumicë jo më shumë se 221 lekë/litër.

Çmimi i shitjes me pakicë i nënproduktit gaz, të jetë 81  lekë/litër edhe i shitjes me shumicë 69 lekë /litër.

Çmimet e caktuara nga Bordi do të hynë në fuqi sot datë 8 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.