Protesta Kombëtare e 8 Majit, Berisha: Edi Rama është i plagosur politikisht për vdekje

Edi Rama është i plagosur politikisht për vdekje. Nuk e merr më veten,” tha Kryetari i Partisë Demokratike, Sali Berisha, duke sjellë dëshmi mbi jehonën ndërkombëtare që pati Protesta Kombëtare e 8 Majit, duke u zotuar se PD do vazhdojë me protestë paqësore.

Me këtë rast, Kryetari i Partisë Demokratike theksoi se 8 Maji ishte kryelajm i mediave botërore! Uragani i lirisë tronditi narkoregjimin e Edi Ramës, Lubi Ballukut dhe Lindave të tij.

“Uragani i lirisë i datës 8 maj tronditi në themele narkoregjimin e Edi Ramës, Lubi Ballukut dhe Lindave të tij. Ky uragan pati një jehonë të jashtëzakonshme në mediet botërore.

Kauza e drejtë e protestës së dhjetëra mijëra qytetarëve që në një ditë shiu të plotë, me guxim të jashtëzakonshëm kundrejt një terrori shtetëror dhe mediatik të paparë, mbushën anekënd bulevardin e komnit për të shprehur revoltën e tyre ndaj qeverisë së paligjshme të Tiranës. Ndaj Edi Ramës që shndërroi zgjedhjet në farsë elektorale. Ndaj një njeriu që nuk ka legjitimitet. Nuk ka legjitimitet sepse përdori 83 mandatet e krimit për të mbrojtur vjedhjet e tij dhe të Lubi Ballukut.

Për të mbrojtur Lindat e tij në AKSHI-n, kopshtin privat të familjes Rama.

Ky uragan, të cilin mediat e qeverisë e paraqitën si një grumbullim 100 vetësh apo pak mijëra ato më zemërgjerat, tronditi jo vetëm regjimin, por ushtoi në mbarë botën. Ushtoi në mbarë botën për këto arsye.
Së pari, këta protestues guximtarë kanë një kauzë të drejtë, luftojnë një regjim që i ka vjedhur dhe mbron vjedhjet e tij.
Dhe kjo është arsyeja se pse mediat e botës së qytetëruar kanë përshëndetur këtë protestë, këtë revoltë, këtë kryengritje paqësore.
Së dyti, qëndrimi shtazor, barbar, primitiv i narkopolicisë për çfarë shpërfaqi para botës fytyrën e vërtetë të narkoshtetit të Edi Ramës. Të gjitha këto bënë që 8 maji ishte kryelajmi i medieve botërore.
Nuk gjen një lajm tjetër në mediat botërore të transmetuar me kaq vlerësim sa ç’u transmetua kryengritja paqësore në bulevardin e Tiranës. Dhe egërsia e policisë së narkoshtetit,” tha Sali Berisha ndërsa publikoi lajmet e mediave të huaja për protestën e 8 Majit.
Duke konfirmuar një numër të konsiderueshëm protestuesish të dëmtuar dhe deputetësh të opozitës të goditur dhe dëmtuar, Kryetari i Partisë Demokratike e bëri të qartë sot se nëse PD ndryshon këtë protestë nga paqësore në një formë tjetër ajo masë njerëzish nuk mund të përballohet nga asnjë polici, por ky është përcaktimi i Partisë Demokratike, protestë paqësore.

“Ne kemi qenë, jemi dhe do jemi për protestë paqësore. E teta ishte kjo, asnjë polic të dëmtuar, asnjë polic të plagosur. Ka një numër të konsiderueshëm protestuesish të dëmtuar dhe deputetësh të goditur dhe dëmtuar. Por ky është përcaktimi ynë. Ne besojmë në këtë platformë.
Edhe njëherë, ata sillen si kafshë aty. Se ç’po bënin ata? Ju keni qenë aty.
Ne po marshonim dhe ky kriminel në krye të policisë, i vendosur nga Balluku, kujton se do mbrojë Ballukun, e pa se çfarë i bën bota Ballukut, kujton se mbron Ballukun, ky bllokon rrugën, ky është një kriminel, me urdhër të Edi Ramës.
Pra, paraqita këto se të vërtetat askush nuk mund t’i fshehë më. Nuk mund të fshihen. Ne do vazhdojmë dhe jemi në rrugën e duhur,” tha Kryetari i Partisë Demokratike, Sali Berisha, duke përfunduar:
“U siguroj që Edi Rama është i plagosur politikisht për vdekjen. Nuk e merr më veten.
Natyrisht ne do vazhdojmë me protestë paqësore.”