PS sërish do mbuloj krimin elektoral me ushtarak, Rama: President i ri i Republikës, Bajram Bega

Partia Socialiste për herë të dytë që dëmton rëndë procesin elektoral në Shqipëri, sjellë sërish një ushtarak si President të Republikës. Sot Kryeministri Edi Rama bëri të ditur se Kryesia e Partisë Socialiste ka vendosur që kandidati për President të Republikës do të jetë Shefi aktual i Shtabit të Forcave të Armatosura, Bajram Bega!

“Kemi përmbyllur procesin e përzjgedhjes së kandidaturës që do të çojmë në Kuvend për të votuar presidentin e ri të republikës së Shqipërisë. Sot procesi është përmbyllur, duke vënë në dispozicon të Kryesisë së të gjitha kandidaturat e propozuara nga grupi parlementar me zarfe. Kandidaturat janë ndarë në tre grupe. është përjashtuar grupi i kandidaturave të propozuara nga brenda grupit parlamentar. është hequr edhe blloku i kandidaturave që janë gra e burra të nderuar që i përkasin kësaj familje dhe që kanë patur aktivitet në PS. E kemi thënë, e kemi ridiskutuar që të gjithë që PS-së i takon që të në këtë moment të shohë dhe të shkojë përtej vetes sepse duhet t’u japë shqiptarëve një kryetar shteti. Dhe blloku i tretë,” tha Kryeministri Edi Rama duke përfunduar:

“Ka patur 26 kandidatura, janë shoshitur në një numër të caktuar xhirosh në tryezë, për të arritur në konkluzionin që të propozojmë Bajram Begën, shefin e shtabit të përgjithshëm të ushtrisë.” 

Ndryshe, nesër në orën 18:00 pritet të mbahet dheseanca plenare kur do të votohet dhe Presidenti i ri i Republikës.