Putin nuk do ti shpall luftë Ukrainës më 9 Maj, Kremlini: Marrëzi!

Zëdhënësi i Kremlinit, Dmitry Peskov, tha sot se nuk nuk ka shanse që Presidenti i Rusisë Vladimir Putin ti shpall luftë Ukrainës në Ditën e Fitores 9 Maj, dhe duke i hedhur poshtë deklaratat e publikuara ai i cilësoi si marrëzi.

I pyetur nga CNN se a ka shanse që Putin ti shpall luftë Ukrainës në Ditën e Fitores, Peskov ishte i prerë: “Jo, kjo është marrëzi!”

Peskov gjithashtu hodhi poshtë edhe raportimet se Putin mund ta shfrytëzoj Ditën e Fitores që të shpall mobilizimin e përgjithshëm në Rusi, gjë që do ti mundësonte qeverisë jo vetëm që të mbledhë ushtarët, por që edhe ekonominë ta vëjë në funksion të luftës.

Ndryshe, analistë dhe zyrtarë perëndimorë me ditë të tëra vazhdojnë dhe përsërisin se Putin më 9 Maj mund ti shpall formalisht luftë Ukrainës, pasi deri më tani konfliktin në këtë vend ai e ka quajtur “operacion ushtarak special”.